ម៉ូតូពីគ្រឿងបុកគ្នាពេញទំហឹងរបួសធ្ងន់២នាក់

គ្រោះថ្នាក់ចរាចរមួយ នៅចំណុចខាងក្រោមស្ពានអាកាស៧មករា (តោពីរ) សង្កាត់ទឹកល្អក់១ ខណ្ឌទួលគោក វេលាម៉ោ ១២:៣០នាទី រំលងអាធ្រាត ឈានចូលថ្ងៃទី ១៩ ធ្នូ ២០១៤ ដោយម៉ូតូម៉ាក TODAY ពាក់ស្លាកលេខ ភ្នំពេញ 1BG 7249  បើកបរដោយបុរសពីនាក់ក្នុងទិសដៅពីកើតទៅលិច តាមបណ្តោយផ្លូវសហព័ន្ធរុស្ស៊ី និងម៉ូតូ១គ្រឿងទៀតបើកបរ ពីត្បូងទៅជើង តាមបណ្តោយផ្លូវ២៧១ មកដល់ចំណុចកើតហេតុបានបុកគ្នាពេញទំហឹង បណ្តាលឲ្យនារី២នាក់របួសធ្ងន់ ត្រូវបានដឹកបញ្ជូនទៅកាន់មន្ទីរពេទ្យ ឯម៉ូតូត្រូវបានយកទៅរក្សាទុកនៅអធិការខណ្ឌទួលគោក ។