ស្រវឹងស្រាជិះម៉ូតូដួលរងរបួសធ្ងន់

ភ្នំពេញ៖ យុវជនម្នាក់ស្រវឹងស្រា ជិះម៉ូតូដួលរងរបួសធ្ងន់។
ហេតុការណ៍នេះបានកើតឡើងនៅវេលាម៉ោង ១១ និង ១០ នាទីយប់ ថ្ងៃទី ២៤ ខែ មីថុនា ឆ្នាំ ២០១៥ តាមបណ្តោយផ្លូវ ៦០៨ នៅចំណុច មុខការដ្ឋានសំណង់ សង្កាត់បឹងកក់ ២ ខណ្ឌទួលគោក។
ប្រភពព៍ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរសម្នាក់ជិះម៉ូតូម៉ាក ស្កុបពីពណ៌ស ពាក់ស្លាកលេខ 1BK-9538 ជិះម្នាក់ឯង បើកបរក្នុងទិសដៅពីកើតទៅលិច មានល្បឿនយ៉ាងលឿន ហើយបានចាប់ហ្វាំង ដួលបោកនឹងស័ង្កសី បណ្តោយអោយ បែកមុខបែកមាត់។
ក្រោយពេលកើតហេតុរថយន្តសង្គ្រាះបានដឹកជនរងគ្រោះមកព្យាបាលនៅមន្ទីរពេទ្យឯកជនមួយ ចំណែកម៉ូតូជនរងគ្រោះ ត្រូវបាននគរបាលយកទៅរក្សាទុកនៅប៉ុស្តិ៍រដ្ឋបាលបឹងកក់ ២។ផ្កាយព្រឹក