យុវជនបែកថ្នាំម្នាក់ត្រូវជនមិនស្គាល់មុខវាយរងរបួសធ្ងន់

រាជធានីភ្នំពេញ: យុវជនម្នាក់ដែលគេ ស្គាល់ថា ជាមនុស្សបែកថ្នាំ ត្រូវជនមិន ស្គាល់មុខ វ៉ៃអោយរងរបួសបាក់ធ្មេញ និងប៉ោងភ្នែកសន្លប់ស្ដូកស្ដឹង។

ហេតុការណ៍នេះកើតឡើងកាលពីវេលា ម៉ោង ៣ នឹង ២០នាទីយប់ ស្ថិតនៅតាមផ្លូវ វ៉េងស្រេង ក្នុងសង្កាត់ចោមចៅ ខណ្ឌពោធិ៍សែនជ័យ។

យោងតាមព័ត៌មា​ន ពីកន្លែងកើតហេតុ បានអោយដឹងថា មុនពេលកើតហេតុ គេឃើញយុវជនបែកថ្នាំម្នាក់ បានដើរនៅ ផ្លូវវេងស្រេង តែមិនដឹងមានរឿងអ្វី ស្រាប់តែត្រូវជនមិនស្គាល់មួយក្រុម ព្រួតវ៉ៃបណ្ដាលយុវជនម្នាក់រងរបួសធ្ងន់ ក្រោយពីរងរបួសហើយ យុវជនបែកថ្នាំ ម្នាក់នេះ ត្រូវគេឌុបមកទំលាក់ចោល នៅគៀនរបងព្រលានយន្តហោះពោធិ៍ចិនតុងបានដេកសន្លប់ស្ដូងស្ដឹងតែម្នាក់ឯង។

ក្រោយកើតហេតុ សមត្ថកិច្ចបានមកដល់ បានសួរនាំឆ្លើយថា ម្ដងគេប្លន់យកម៉ូតូវីវ៉ា ម្ដងថាគេវ៉ៃយកទូរសព្ទ័ ដូចច្នេះសមត្ថកិច្ចថា យុវជនរូបនេះបែកថ្នាំពិតប្រាកដមែន សមត្ថកិច្ចបានសួរនាំហើយ ក៏បើករថយន្ត ចេញទៅបាត់តែម្ដង លុះបន្តិចក្រោយមក ក៏មានរថយន្តសង្គ្រោះបំរុងយកយុវជនបែកថ្នាំតែដោយសារគាត់ស្គាល់ជាអ្នកញៀនថ្នាំច្បាស់ណាស់ ហើយគាត់បានបើកត្រឡប់ទៅ បាត់ទៅ៕ ស៊ីន កុសល