ស្រវឹងស្រាបើករថយន្តបុកម៉ូតូពីក្រោយដួលរងរបួសស្រាល

ភ្នំពេញ៖ បុរសម្នាក់ស្រវឹងស្រាជោកជាំ បើករថយន្តលឿនពេក ជាន់ហ្វ្រាំងមិនទាន់ ជ្រុលទៅបុកម៉ូតូពីក្រោយ បណ្តាលឲ្យ ពីរនាក់ប្តីប្រពន្ធរងរបួសស្រាល។

ហេតុការណ៍នេះកើតទ្បើងកាលពីវេលាម៉ោង ១០ នឹង ២០ យប់ ថ្ងៃទី ២១ ខែ មករា ឆ្នាំ ២០១៧ ស្ថិតនៅចំណុចក្បែរផ្លូវរថភ្លើង ត្រទ្បោកបែក ក្នុងសង្កាត់បឹងកក់ ២ ខណ្ឌទួលគោក។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សូមចុចមើលព័ត៌មានលម្អិត

បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សេវារហ័សទាន់ចិត្ត មានរចនាម៉ូដម្នាងសិលា គ្រប់ប្រភេទ តម្រូវការតាមអគារតូច-ធំ ទំនាក់ទំនងទូរស័ព្ទលេខ: 017 660 669 / 016 3000 39

យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុ គេឃើញ បុរសម្នាក់ស្រវឹងស្រាជោកជាំ បើករថយន្ត មួយគ្រឿង ម៉ាកកូរ៉ូទ្បា ពណ៌ពាក់ស្លាកលេខ ភ្នំពេញ 2J-9913 បើករេពេញផ្លូវ តាម
បណ្តោយផ្លូវ ៣១៥ ទិសដៅពីជើងទៅត្បូង ស្រាប់តែមកដល់កន្លែងកើតហេតុខាងលើ បានជ្រុលទៅបុកម៉ូតូ ម៉ាកឌ្រីមសង់ ស៊េរី ០១៣ ពណ៌ខ្មៅ ពាក់ស្លាកលេខ សៀមរាប 1H-8571 ជិះដោយប្តីប្រពន្ធពីរនាក់ ពីជើងទៅត្បូងស្របទិសដៅគ្នា ពីក្រោយ បណ្តាលឲ្យម្ចាស់ម៉ូតូពីរនាក់ប្តីប្រពន្ធដួលបោកនឹងថ្នល់ រងរបួសស្រាល ចំណែកម៉ូតូ និងរថយន្ត ខូចខាតបន្តិចបន្តួចដូចគ្នា។

ក្រោយកើតហេតុ សមត្ថកិច្ចមូលរដ្ឋាន បានចុះមកដល់ ឲ្យភាគីទាំងសងខាង សម្រុះសម្រួលគ្នា តែដោយខាងម្ចាស់រថយន្ត ស្រវឹងស្រាអស់លុយ សុំចេញសំណងសងទៅ អ្នករងគ្រោះចំនួនពីមុឺនរៀលដើម្បីបញ្ចប់រឿងនៅកន្លែងកើតហេតុ៕ ផ្កាយព្រឹក