នគរបាលខណ្ឌទួលគោក ឃាត់ខ្លួនជន សង្ស័យ ២នាក់ ដកហូតថ្នាំញៀន១កញ្ចប់តូច

ភ្នំពេញ៖ កម្លាំងនគរបាលចំរុះ ខណ្ឌទួលគោក ដាក់គោលដៅឆែកអាវុធ ជាតិផ្ទុះនិងពង្រឹងច្បាប់ចរាចរណ៍ផ្លូវគោកឃាត់ខ្លួនជនសង្ស័យ២នាក់ដកហូតបានគ្រឿងញឿន១កញ្ចប់តូចនិងម៉ូតូមួយគ្រឿង។

កាលវេលាម៉ោង ១០ នឹង ១០នាទីយប់ ថ្ងៃទី ១៩ ខែ ឧសភា ឆ្នាំ ២០១៨ ស្ថិតនៅចំណុច មុខក្រុមហ៊ុនទូរស័ព្ទស្មាត តាមបណ្តោយ ផ្លូវ២១៥ ក្នុងសង្កាត់ផ្សារដើម គ ខណ្ឌទួលគោក។

ជនសង្ស័យទី១៖មានឈ្មោះមូន រិច ភេទប្រុស អាយុ២៧ឆ្នាំ មុខរបររោងចក្រ ស្នាក់ផ្សារទួលពង្រ ខណ្ឌពោធិសែនជយ័ មានស្រុកកំណើត ឃុំល្វេ ស្រុកសុីធរកណ្តាល ខេត្តព្រៃវែង។ទី២៖មានឈ្មោះធា រិទ្ធ ភេទប្រុស អាយុ២២ឆ្នាំ មុខរបរដូចគ្នា ស្នាក់នៅជាមួយគ្នា មានស្រុកកំណើតពាមជរ ខេត្តព្រៃវែង។

វត្ថុតាងដកហូតថ្នាំញៀន១កញ្ចប់តូចនិងម៉ូតូMSXពណ័ខ្មៅមួយគ្រឿងពាក់ស្លាកលេខភ្នំពេញ.1.GG-3684-។
បច្ចុប្បន្នជនសង្ស័យទាំងពីរនាក់រួមទាំងវត្ថុតាងត្រូវនាំខ្លួនទៅអធិការដ្ឋានខណ្ឌទួលគោកដើម្បីសាកសួរនិងធ្វើកំណត់ហេតុកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្ត។ ស៊ីន កុសល