ឆក់ម្តងមិនបានសម្រេច ទៅម្តងទៀតមានអីសន្លប់ស្តូក

ភ្នំពេញ៖​ ជនសង្ស័យម្នាក់ ជិះម៉ូតូមកធ្វេីសកម្មភាពឆក់កាបូបពីនារីម្នាក់ មិនបានសម្រេច ហេីយជិះម៉ូតូត្រឡប់មកឆក់ម្តងទៀត បានសម្រេច រួចក៏ដួលម៉ូតូ ត្រូវបានអ្នកឃើញហេតុការណ៍ ដេញចាប់បានវាយទ្រោមខ្លួន រួចប្រគល់ជូនសមត្ថកិច្ច។

សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ
ហេតុការណ៍នេះបានកេីតឡេីងកាលពីវេលាម៉ោង ២ នឹង ៣០នាទីរំលងអាធ្រាត ឈានចូលថ្ងៃទី ៨ ខែ មករា ឆ្នាំ ២០១៩​ នៅចុះណុចគល់ស្ពានអាកាសស្ទឹងមានជ័យ​ ខាងកើត តាមបណ្តោយផ្លូវមុនីរ៉េត​ ស្ថិតក្នុងសង្កាត់បឹងសាឡាង ខណ្ឌទួលគោក។

សមត្ថកិច្ចបានប្រាប់ឲ្យដឹងថា ជនសង្ស័យមានឈ្មោះ ព្រីង តួ ភេទ ប្រុស អាយុ ២៧ឆ្នាំ មុខរបរមិនពិតប្រាកដ មានស្រុកកំណើត ភូមិទេព ឃុំកោះខែល ស្រុកស្អាង ខេត្តកណ្តាល។
ចំណែកជនរងគ្រោះមាន សុ ភ័ក្ត្រ ភេទ ស្រី អាយុ ៣៣ឆ្នាំ មុខរបរធ្វើការនៅខារ៉ាអូខេអេកូ ស្នាក់នៅក្រោយវត្តស្ទឹងមានជ័យ សង្កាត់ស្ទឹងមានជ័យ ១ ខណ្ឌមានជ័យ បានបាត់បង់កាបូបស្ពាយ ១ និងម្សៅផាត់មុខមួយចំនួន។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66
តាមសម្តីជនរងគ្រោះបានឲ្យដឹងថា មុនពេលកេីតហេតុ រួបគាត់បានចេញពីធ្វេីការបំណងជិះម៉ូតូម៉ាកធូដេ​ ពណ៌ក្រហម​ ពាក់ស្លាកលេខ ភ្នំពេញ 1FS-4845 ទៅផ្ទះនៅខាងក្រោយ វត្តស្ទឹងមានជ័យ ខណៈមកដល់ចំណុចកេីតហេតុ ស្រាប់តែមានជនសង្ស័យម្នាក់ ជិះម៉ូតូម៉ាកយ៉ាម៉ាហា​ អ៊ិចហ្សិចទ័រ​ ពណ៌ខៀវ​ ពាក់ស្លាកលេខ ភ្នំពេញ HB-2656 មកពីក្រោយ ហេីយបានធ្វេីសកម្មភាពឆក់កាបូប តែមិនបានសម្រេច ភ្លាមៗនោះជនសង្ស័យជិះហួសបន្តិច រួចក៏បកមកក្រោយវិញ ហើយធាក់ម៉ូតូគាត់ផ្តួល រួចឆក់កាបូបបានសម្រេច តែសំណាងអាក្រក់ ក៏ទាក់ដៃចង្កូតដួលដែរ ភ្លាមនោះក៏មានអ្នកដែលនៅក្បែរនោះឃេីញទាន់ ក៏ដេញចាប់បានភ្លាមៗ និងវាយឡើងទ្រោមខ្លួន រួចប្រគល់ជូនសមត្ថកិច្ចមូលដ្ឋានភ្លាមៗ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66
ក្រោយពេលកេីតហេតុ ជនសង្ស័យត្រូវបានសមត្ថកិច្ចនាំយកទៅ ប៉ុស្តិ៍រដ្ឋបាលបឹងសាឡាង ដេីម្បីធ្វេីការសាកសួរ រួចបញ្ជូនបន្តទៅអធិការដ្ឋាននគរបាល ខណ្ឌទួលគោក ដើម្បីចាត់ការទៅតាមផ្លូវច្បាប់៕