ភ្នំពេញ៖ យុវជនម្នាក់បានបែកក្បាលស្លាប់ គួរឲ្យអាណោចអធ័ម និងបីនាក់ទៀត រងរបួសធ្ងន់ និងស្រាល បន្ទាប់ពីបើកម៉ូតូ១ ក្នុងគ្រឿងក្នុងល្បឿនលឿនដូចហោះ ទៅបុកចំពីចំហៀងរថយន្តកូរ៉េ ដែលបត់ឆ្លង ផ្លូវពេញទំហឹង។
ហេតុការណ៍នេះកើតឡើងនៅវេលាម៉ោង ១ នឹង ១០ នាទីរំលងអាធ្រាត្រ ឈានចូលថ្ងៃទី ៧ ខែ មេសា ឆ្នាំ ២០១៧ ស្ថិតនៅតាម បណ្ដោយផ្លូវ ២០០៤ នៅចំណុចស្តុបណូគា ក្នុងសង្កាត់ទឹកថ្លា ខណ្ឌសែនសុខ។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
មាន លក់ ទិញ លាងសម្អាត ម៉ាស៊ីនត្រជាក់ ទូរទឹកកក ម៉ាស៊ីន បោកខោអាវ គ្រប់ប្រភេទ
ជនរងគ្រោះដែលស្លាប់បាត់បង់ជីវិតមានឈ្មោះ ហេន ថាន ភេទ ប្រុស អាយុ ប្រមាណជាង ២០ឆ្នាំ មុខរបរ និងស្នាក់នៅ ជាមួយក្រុមហ៊ុនគង់នួន លក់កង់រថយន្ត នៅជិតផ្សារដេប៉ូ មានស្រុកកំណើត នៅភូមិត្រពាំង ស្រុកសាមគ្គីមានជ័យ ខេត្តកំពង់ឆ្នាំង។
យោងតាមសាក្សីនៅកន្លែងកើតហេតុបានអោយដឹងថា មុនពេលកើតហេតុ គេឃើញ យុវជនបួននាក់បើកម៉ូតូឌ្រីសង់ ០១៥ ពណ៌ខ្មៅ ពាក់ស្លាកលេខ ភ្នំពេញ 1FE-9934 ទិសដៅពីលិចទៅកើត ក្នុងល្បឿនលឿន ស្រវឹងជោក ខណៈមកដល់ ចំណុចកើតហេតុខាងលើ បានជ្រុលទៅបុក រថយន្តកូរ៉េមិនចាំស្លាកលេខ កំពង់បត់ឆ្លង ផ្លូវចំពាក់កណ្ដាលរថយន្តពេញទំហឹង បណ្ដាលឲ្យបោកផ្ទប់នឹងរថយន្តបែកក្បាលស្លាប់ភ្លាមៗអ្នកបើកបរ និងបីនាក់ទៀត រងរបួសធ្ងន់ ពីរនាក់ ស្រាលម្នាក់ ចំណែក រថយន្តបង្កមិនបាននៅកន្លែងកើតហេតុទេ បានបើករត់បាត់ស្រមោល ភ្លាមៗនោះ អ្នករងបួសត្រូវបានរថយន្តគ្លីនិចឯកជនដឹកយកទៅសង្គ្រោះភ្លាមៗ។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សូមចុចមើលព័ត៌មានលម្អិត
ក្រោយកើតហេតុ សមត្ថកិច្ចមូលដ្ឋាន សហការជាមួយជំនាញ បានធ្វើការវាស់វែង យកម៉ូតូជនរងគ្រោះទៅរក្សាទុកនៅការិយាល័យចរាចរណ៍ នៃស្នងការរាជធានីភ្នំពេញ ដើម្បីស្រាវជ្រាវរករថយន្តបង្កឲ្យចូលខ្លួនមកដោះស្រាយតាមផ្លូវច្បាប់ ឯសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារយកទៅស្រុកកំណើតធ្វើបុណ្យតាមប្រពៃណី៕ សហការី
រថយន្តកូរ៉េបត់ឆ្លងផ្លូវត្រូវម៉ូតូបុកស្លាប់ម្នាក់ និងរងរបួសធ្ងន់ ស្រាល ៣នាក់
Reviewed by សារព័ត៌មាន ឯករាជ្យជាតិ
on
7:15:00 PM
Rating:
No comments: