loading...
សពបុរសរងគ្រោះមានឈ្មោះ ចន រតនា អាយុ ៤៦ ឆ្នាំ មុខរបរ មន្ត្រីអនុសេណីយ៏ឯក អាសយដ្ឋាន ផ្ទះលេខ ១៣៤ អឺ៤ហ្សែត ផ្លូវ ១៨២ សង្កាត់បឹងព្រលឹត ខណ្ឌ៧មករា បច្ចុប្បន្នស្នាក់នៅភូមិទួលសំបូរ សង្កាត់ព្រៃវែង ខណ្ឌដង្កោ។
យោងតាមសាក្សីនៅកន្លែងកើតហេតុបានឲ្យដឹងថា មុនពេញកើតហេតុ គេឃើញរថយន្តហាយឡែនឌ័រ ពាក់ស្លាកលេខ ភ្នំពេញ 2AQ-9621 ធ្វើដំណើរតាមបណ្ដោយផ្លូវ ២១៧ ទិសដៅពីជើងទៅត្បូងបោះពួយយ៉ាងលឿន ខណៈមកដល់ចំណុចកើតហេតុខាងលើ បត់ស្ដាំទៅផ្លូវព្រៃស ក៏ជ្រុលទៅបុករះម៉ូតូ ៤ គ្រឿង និងម៉ូតូសពរងគ្រោះកំពុងឈប់ស្តុប ម៉ាកវ៉េវ ពណ៌ខ្មៅ ពាក់ស្លាកលេខ ភ្នំពេញ 1HG-8171 និងម៉ូតូមួយគ្រឿងទៀត ម៉ាកស្មាកវី ពណ៌ខ្មៅ ពាក់ស្លាកលេខ កំពត 1L-6686 បណ្ដាលឲ្យម្ចាស់ម៉ូូតូវ៉ែវបាក់-កស្លាប់នៅកន្លែង ចំណែកម៉ូតូស្មាក់វី រងរបួសធ្ងន់ ២ នាក់ រួចរថយន្តបង្កមិនបានឈប់ទទួលខុសត្រូវនោះទេ បានព្យាយាមបើរត់គេចចេញពីកន្លែងកើតហេតុបាត់ បន្សល់ទុកស្លាកលេខមួយផ្ទាំង។
ក្រោយកើតហេតុសមត្ថកិច្ចជំនាញខណ្ឌ ចុះមកវាស់វែងយកម៉ូតូរងគ្រោះទៅរក្សាទុកធ្វើកំណត់ប្រគល់សពឲ្យក្រុមគ្រួសារ ដឹកយកទៅធ្វើបុណ្យតាមប្រពៃណីខ្មែរ។
បើករថយន្តលឿនដូចហោះ ជ្រុលទៅបុករះម៉ូតូ៤គ្រឿងកំពុងឈប់ស្តុប ស្លាប់ម្នាក់ និងរងរបួសធ្ងន់ពីរនាក់
Reviewed by សារព័ត៌មាន ឯករាជ្យជាតិ
on
7:53:00 PM
Rating:
No comments: