ហេតុការណ៍នេះបានកើតឡើងកាលវេលាម៉ោង ១០ នឹង ៣០នាទីព្រឹក ថ្ងៃទី ៨ ខែ មករា ឆ្នាំ ២០២០ ស្ថិតនៅតាមផ្លូវជាតិ ៥ ភូមិផ្សាតូច សង្កាត់ទូលសង្កែ ខណ្ឌឬស្សីកែវ។
loading...
សមត្ថកិច្ចបានអោយដឹងថាជនសង្ស័យដែលឃាត់ខ្លួនមាន ឈ្មោះ ឆែល ភិន អាយុ ៣១ ឆ្នាំ មុខរបរជាងនំបុ័ង ស្នាក់នៅកន្លែងធ្វើការ សង្កាត់ទូលសង្កែទី ១ ខណ្ឌឬស្សីកែវ បានធ្វើសកម្មភាពលូកយកទូរស័ព្ទដៃមួយគ្រឿង នៅក្នុងម៉ូតូកង់បីឥណ្ឌា ម៉ាក OPPO មីនី សុីម ២ ពណ៌ខ្មៅ។
ជនរងគ្រោះមានឈ្មោះ យោក ផានធី ភេទប្រុស អាយុ៤៨ឆ្នាំ មុខរបររត់ម៉ូតូកង់បីឥណ្ឌា ស្នាក់នៅ ផ្ទះជួល ផ្លូវបេតុ ភូមិឃ្លាំងសាំង សង្កាត់ឬស្សីកែវ ខណ្ឌឬស្សីកែវ។
តាមប្រភពពីកន្លែងកើតហេតុបានអោយដឹងថា មុនពេលកើតហេតុ គេឃើញម៉ូតូកង់បីឥណ្ឌា ឈប់ចតនៅចិញ្ចើមផ្លូវជិតក្រុមហ៊ុនក្រុងអិចប្រេស ពេលនោះក៏លេចមុខជនសង្ស័យម្នាក់មកហួសបន្តិច ក៏បានក្រលេកមើលទៅកង់បីឥណ្ឌាឃើញទូរសព្ទ័មួយគ្រឿងគេជាប់នៅខាងមុខ ដោយឃើញឩិកាសល្អ ដើរមកក្បែរកង់បីឥណ្ឌា រួចធ្វើសកម្មភាពលួចទូរសព្ទ័ដៃបានសម្រេច ហើយក៏ត្រូវម្ចាស់ឃើញទាន់ ស្រែកឆោឡោដេញតាមផ្អើលដល់កម្លាំងសមត្ថកិច្ចល្បាត ស្ទាក់ចាប់បាននាំខ្លួនទៅប៉ុស្ដិ៍ទូលសង្កែទី ១ ដើម្បីធ្វើការសាកសួរតែម្ដង។
បច្ចុប្បន្នជនសង្ស័យខាងលើ ត្រូវបានកម្លាំងសមត្ថកិច្ចប៉ុស្ដិ៍ទូលសង្កែទី ១ កំពុងធ្វើការសាកសួរ កសាងសំណុំរឿងបញ្ជូនខ្លួនទៅអធិការ ខណ្ឌឬស្សីកែវ ចាត់ការបន្តតាមនីតិវិធី ចំណែកទូរស័ព្ទម៉ាក OPPO មីនី សមត្ថកិច្ចបានប្រគល់ជូនជនរងគ្រោះវិញ។
រពិសដៃផ្ទៃឆ្អែត រពិសហួសហេតុ សមត្ថកិច្ចក្របួចជាប់
Reviewed by សារព័ត៌មាន ឯករាជ្យជាតិ
on
8:35:00 PM
Rating:
No comments: