បើករថយន្ត 570 ស៊េរីទំនើបមិនគោរពរស្លាកសញ្ញា ទៅបុកម៉ូតូណៃហត រងរបួសធ្ងន់បុរសម្នាក់

ផ្សាយថ្ងៃទី ២៦ មីនា ២០២០៖

ភ្នំពេញ៖ ជនជាតិចិនមួយក្រុមបើករថយន្តសេរីទំនើបមួយគ្រឿង មិនគោរពរស្លាកសញ្ញាបោះពួយយ៉ាងលឿនជ្រុលទៅបុកម៉ូតូមួយគ្រឿង បណ្ដាលឲ្យបុរសម្នាក់រងរបួសធ្ងន់។

ហេតុការណ៏នេះកើតឡើងកាលវេលាម៉ោង ១០ នឹង ៥០នាទីយប់ ថ្ងៃទី ២៥ ខែ មីនា ឆ្នាំ ២០២០ ស្ថិតតាមបណ្ដោយផ្លូវលេខ ៣១០ កែងនឹងផ្លូវ ៥១ ក្នុងសង្កាត់បឹងកេង ១ ខណ្ឌបឹងកេងកង។

loading...

ផ្លូវលំ អូរត្រេះ - អាថ៌កំបាំងនៃធម្មជាតិ

យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញជនជាតិចិនមួយក្រុម បើករថយន្តស៊េរីទំនើបម៉ាក 570 ពណ៌ស ពាក់ស្លាកលេខ ភ្នំពេញ 2AQ-5555 តាមបណ្ដោយផ្លូវលេខ ៣១០ ខណៈមកដល់ចំណុចកើតហេតុខាងលើ មិនគោរពស្លាកសញ្ញាស្តុប បានជ្រុលទៅបុកម៉ូតូណៃហត ពណ៌ខ្មៅ ពាក់ស្លាកលេខ ភ្នំពេញ 1AC-9147 ជិះដោយបុរសម្នាក់តាមបណ្ដោយផ្លូវ ៥១ ទិសដៅពីជើងទៅត្បូង ពេញទំហឹងបណ្ដាលអោយបុរសម្នាក់ជាម្ចាស់ម៉ូតូរងរបួសធ្ងន់ ហើយរថយន្តបង្កព្យាយាមបើករត់ប្រមាណជិតមួយរយម៉ែត្រ ទៅមុខលែងរួច រថយន្តខូចខាតមួយកំណាត់មុខយ៉ាងដំណំ ចំណែកជនរងគ្រោះត្រូវបានរថយន្តគ្លីនិចឯកជនដឹកយកទៅសង្គ្រោះភ្លាមៗ។

ក្រោយកើតហេតុ សមត្ថកិច្ចមូលដ្ឋានចុះមកចំណុចកើតហេតុ ទាក់ទងទៅជំនាញបន្តមកវាស់វែងយករថយន្តបង្ក និងម៉ូតូរងគ្រោះទៅការិយាល័យចរាចរណ៏ផ្លូវគោក រងចាំដោះស្រាយតាមផ្លូវច្បាប់។