បត់ម៉ូតូឆ្លងថ្នល់មិនប្រយ័ត្នត្រូវរថយន្តបុកចំពីមុខរបួសធ្ងន់

គ្រោះថ្នាក់ចរាចរមួយ កើតឡើងនៅវេលាម៉ោង ៩:50នាទីព្រឹក ថ្ងៃទី ១០ មករា ២០១៥ នៅចំណុចផ្លូវលេខ ៣៧១ ទល់មុខការ៉ាសសាំង PTT (ផ្សារប៉េសេ) សង្កាត់បឹងទំពុន ខណ្ឌមានជ័យ រាជធានីភ្នំពេញ បើកបរម៉ូតូ ដោយបុរសម្នាក់ ម៉ាក Dream C125 ពាក់ស្លាកលេខ ភ្នំពេញ 1AK 2067 ទិសដៅពីលិចទៅកើត មកដល់ចំណុចកើតហេតុ មានរថយន្តស្ទូច១គ្រឿងពាក់ស្លាកលេខ ក1136 ភព3 បើកបរបញ្រ្ចាសទិសគ្នា បុកនឹងម៉ូតូពេញទំហឹង បណ្តាលឲ្យរងរបួសជាទំងន់ ត្រូវបានដឹកទៅកាន់មន្ទីរពេទ្យ ក្រោយពេលកើតហេតុ ត្រូវបានតំណាងម្ចាស់រថយន្ត ចេញមុខសំរួលសងការខូចខាត ដើម្បីបញ្ចប់រឿង។