ភ្នំពេញ៖ យុវជនម្នាក់ត្រូវកម្លាំងនគរបាល ព្រហ្មទណ្ឌ ខណ្ឌឫស្សីកែវ សហការជាមួយ កម្លាំងនគរបាល ប៉ុស្តិ៍ឫស្សីកែវ ស្រាវជ្រាវ ឃាត់ខ្លួន ដកហូតបានថ្នាំញៀនចំនួន ២៣ កញ្ចប់ និងថ្នាំគ្រាប់ពណ៌ផ្កាឈូកចំនួន ២២ គ្រាន់ ដែលរក្សាទុកខុសច្បាប់ បន្ទាប់ពីជន សង្ស័យ ទើបត្រឡប់មកពីទិញនៅម្តុំអង់តែន ទួលគោក កាលពីវេលាម៉ោង ៩ នឹង ១៥ ព្រឹកថ្ងៃទី ២៥ ខែ មីនា ឆ្នាំ ២០១៧ ដែលស្ថិតនៅផ្លូវលំ នៅក្នុងបុរីមហាសេដ្ឋី ក្រុមទី ១២ ភូមិសាមគ្គី សង្កាត់-ខណ្ឌឫស្សីកែវ ។
ក្នុងប្រតិបត្តិការបង្ក្រាបនេះដែរ កម្លាំង សមត្ថកិច្ច បានធ្វើការឃាត់ខ្លួនជនសង្ស័យ ម្នាក់ និងបានដកហូតនៅម្សៅក្រាមពណ៌ (ស) ចំនួន ២៣ កញ្ចប់ ជាប្រភេទ ម៉ាទឹកកក ដោយក្នុងនោះមានកញ្ចប់ធំចំនួន ៤កញ្ចប់ តូច ១៩កញ្ចប់ និងថ្នាំគ្រាប់ ពណ៌លឿង ចំនួន ២២គ្រាប់ ។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
មាន លក់ ទិញ លាងសម្អាត ម៉ាស៊ីនត្រជាក់ ទូរទឹកកក ម៉ាស៊ីន បោកខោអាវ គ្រប់ប្រភេទ
ជនសង្ស័យមានឈ្មោះ ព្រាប សុខា ភេទ ប្រុស អាយុ ៣៥ ឆ្នាំ មុខរបរ រើសអេតចាយ ស្នាក់នៅផ្ទះលេខ ២៤១ ក្រុមទី ១២ ភូមិសាមគ្គី សង្កាត់-ខណ្ឌឫស្សីកែវ ។
សមត្ថកិច្ចបានឲ្យដឹងថា ការឃាត់ខ្លួនជន សង្ស័យខាងលើ គឺដោយសារយើងធ្វើការ ស្រាវជ្រាវមួយរយៈ ហើយនៅថ្ងៃឃាត់ខ្លួន គឺខណៈជនសង្ស័យត្រឡប់មកពីទិញថ្នាំញៀន នៅម្តុំអង់តែនទួលគោក លុះដល់ចំណុច ខាងលើ ក៏ត្រូវកម្លាំងយើងឃាត់ឆែកឆេរ រកឃើញវត្ថុតាងមានថ្នាំញៀន ២៣ កញ្ចប់តូច-ធំ និងថ្នាំគ្រាប់ ២២ គ្រាប់តែម្តង ។
បច្ចុប្បន្នជនសង្ស័យទាំង ២នាក់ និងវត្ថុតាង ខាងលើ ត្រូវបានកម្លាំងនគរបាល ឃុំខ្លួនជា បណ្តោះអាសន្ន នៅអធិការដ្ឋាននគរបាល ខណ្ឌឫស្សីកែវ ដើម្បីកសាងសំណុំរឿងបញ្ចូន ទៅកាន់តុលាការ ចាត់ការបន្តតាម នីតិវិធីច្បាប់ ៕ ស៊ីន កុសល
សមត្ថកិច្ចឃាត់ខ្លួនយុវជនម្នាក់ ដកហូតបានថ្នាំញៀន ២៣កញ្ចប់ និង ២២ គ្រាប់
Reviewed by សារព័ត៌មាន ឯករាជ្យជាតិ
on
7:13:00 PM
Rating:
No comments: