បើកម៉ូតូលឿនពេកមិនគោរពភ្លើងស្តុបជ្រុលទៅបុករថយន្តលុចស៊ីសទំនើបរងរបួសធ្ងន់

ភ្នំពេញ៖ គ្រោះថ្នាក់ចរាចរណ៍មួយបង្កឡើង ដោយម៉ូតូ មួយគ្រឿង បើកបំពានភ្លើងស្តុប ជ្រុលទៅបុករថយន្ត លុចស៊ីសស៊េរីទំនើប មួយគ្រឿងទៀត បណ្តាអោយរងរបួសធ្ងន់និងស្រាលពីរនាក់ ចំណែកម៉ូតូ និងរថយន្ត រងការខូចខាតយ៉ាងដំណំ។

ហេតុការណ៍នេះ កើតឡើងកាលពីវេលាម៉ោង ១០ៈ២៥ នាទី ថ្ងៃទី ៦ ខែ តុលា ឆ្នាំ ២០១៧ ស្ថិតតាមបណ្តោយផ្លូវម៉ៅសេងទុង ជាប់ស្តុបទូតចិន ក្នុងសង្កាត់ទំនប់ទឹក ខណ្ឌចំការមន។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android

តាមប្រភពព័ត៌មានបានអោយដឹងថា គេឃើញយុវជនពីរនាក់ បើកម៉ូតូមួយគ្រឿង ម៉ាកសង់ទ្រីម 013 ពាក់ពណ៌ខ្មៅ ស្លាកលេខ ភ្នំពេញ 1CA-8321 តាមបណ្តោយផ្លូវម៉ៅសេងទុង លុះមកដល់ចំណុចកើតហេតុ ត្រង់ស្តុបជាប់ស្ថានទូតចិន ខណៈភ្លើងស្តុបក្រហម នៅតែបន្ថែមល្បឿន ទៅបុករថយន្តលុចស៊ីសស៊េរីទំនើបមួយគ្រឿង ពាក់ស្លាកលេខ ភ្នំពេញ 2AI-7752បើកបរដោយបុរសម្នាក់ ដែលកំពុងតែឆ្លងផ្លូវ បណ្តាលអោយរងការខូចខាតម៉ូតូ រួមនិងរថយន្តខ្ទេចយ៉ាងដំណំ ចំណែកជនរងគ្រោះ ភ្លាមៗត្រូវរថយន្តសង្គ្រោះ ដឹកយកទៅសង្គ្រោះនៅមន្ទីរពេទ្យ។

ក្រោយកើតហេតុសមត្ថកិច្ ចបានចុះមកដល់កន្លែងកើតហេតុ ធ្វើការវាស់វែងយកម៉ូតូ និងរថយន្តទៅរក្សាទុក រងចាំដោះស្រាយគ្នាពេលក្រោយ៕ សហការី