បើករថយន្តទាំងស្រវឹង ជ្រុលឡើងខឿន បុកបង្គោលភ្លើងបំភ្លឺផ្លូវបាក់មួយដើម

ភ្នំពេញ៖ បង្គោលភ្លើងបំភ្លឺផ្លូវចំនួនមួយដើម  បានបាក់ដួលរៀបស្មើដល់ដី ដោយសារតែ បុរសម្នាក់ស្រវឹងស្រា បើករថយន្តក្នុង ល្បឿនលឿន ហើយជ្រុលឡើងខឿន បុក កាលពីវេលាម៉ោង ៣ ទៀបភ្លឺ ថ្ងៃទី ១០ ខែ ឧសភា ឆ្នាំ២០១៨ នៅចំណុចមុខច្រកចូល ផ្សារដីថ្មី ផ្លូវវេងស្រេង សង្កាត់ស្ទឹងមានជ័យ ៣ ខណ្ឌមានជ័យ។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android

តាមសាក្សីនៅកន្លែងកើតហេតុបានឲ្យដឹងថា  មុនពេលកើហេតុ គេបានឃើញរថយន្ត ម៉ាក កាមរីគូទហើម ពណ៌សំបកឪឡឹក ពាក់ស្លាក លេខ ភ្នំពេញ 2C-0409 បើកបរដោយបុរស ម្នាក់ តាមបណ្តោយផ្លូវវេងស្រេង ក្នុងទិសដៅ ពីលិចទៅកើត ខណៈមកដល់ចំណុច កើតហេតុ ស្រាប់តែរេចង្កូតឡើងខឿនផ្លូវ បុកបង្គោលភ្លើងបាក់អស់ចំនួន ១ដើម ដួលរៀបស្មើដល់ដី ហើយរថយន្តបង្ក បានព្យាយាមបើករត់ទាំងបែកកង់រហូត ទៅដល់ចំណុចស្តុបលូប្រាំ ទើបទៅមុខ លែងរួច។

ក្រោយពេលកើតហេតុ សមត្ថកិច្ចបានចុះមក ដល់ ចំណុចកើតហេតុ ស្ទូចរថយន្តបង្កទៅ រក្សាទុកនៅការិយាល័យចរាចរណ៍ជើងគោក រាជធានីភ្នំពេញ ដើម្បីដោះស្រាយតាម ច្បាប់៕