ភ្នំពេញ៖ នារីវ័យក្មេងម្នាក់ បានយកខ្សែ នីឡុងចង-កសម្លាប់ខ្លួន នឹងខ្សែនីឡុង ពណ៌ស ជាមួយដែកផ្ទោងដំបូល បន្ទប់ជួល ដោយពុំដឹងពីមូលហេតុអោយច្បាស់លាស់។
ហេតុការណ៍ភ្ញាក់ផ្អើលនេះ កើតឡើងនៅ វេលាម៉ោង ១៦:៣០ នាទី ថ្ងៃ ព្រហស្បតិ៍ ១១ រោច ខែ ពិសាខ ឆ្នាំ ច នព្វសក្តិ ព.ស ២៥៦២ ត្រូវនឹងថ្ងៃទី ១០ ខែ ឧសភា ឆ្នាំ ២០១៨ នៅចំណុចបន្ទប់ជួលលេខ ៨ ផ្លូវ ១០៣ ក្រុមទី ០១ ភូមិទួលថ្ងាន់ សង្កាត់ទួសង្កែ២ ខណ្ឌឫស្សីកែវ។
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
សពឈ្មោះ នុត សុខុម ភេទស្រី អាយុ ២១ ឆ្នាំ មុខរបរ កម្មកររោងចក្រ មានទីលំនៅ ចំណុចកេីតហេតុខាងលេី។ មានស្រុក កំណេីត ភូមិជើងខាល ឃុំមោងរាវ ស្រុកត្បូងឃ្មុំ ខេត្តត្បូងឃ្មុំ រស់នៅជាមួយ បងស្រី ឈ្មោះ នុត សេន អាយុ ៤២ ឆ្នាំ មុខរបរ កម្មការិនីរោងចក្រ។
តាមប្រភពពីអ្នកស្រុក បានឲ្យដឹងថា កាលពី ព្រឹកម៉ោងប្រហែល ០៦ : ៣០ នាទីរងគ្រោះ បានប្រាប់ទៅបងស្រីបង្កើត ដែលស្នាក់នៅ បន្ទប់ជាមួយថា មិនស្រួលខ្លួន ទើបប្រាប់ថា អត់ទៅធ្វើការទេ ដោយនៅក្នុងបន្ទប់ជួល តែម្នាក់ឯង លុះវេលាម៉ោង ១៦:៤០ នាទី នៅពេលបងស្រីជនរងគ្រោះ ចេញពីធ្វើការ វិញ ក៏បានឃើញមនុស្សម្នារចោមរោម បន្ទប់ជួលរបស់គាត់ ពេលនោះ បានទៅមើល ឃើញជនរងគ្រោះចង-ក ស្លាប់បាត់ទៅ ហេីយ ពេលនោះបងស្រីរបស់ជនរងគ្រោះ គ្មានពាក្យអ្វីនិយាយក្រៅពីយំបោកខ្លួននោះទេ។
តាមការសាកសួរពីបងស្រីរបស់ជនរងគ្រោះបានប្រាប់ថា កន្លងមកជនរងគ្រោះ ពុំដែលមានបញ្ហាអ្វីជាមួយគ្រួសារ និងអ្នក ដទៃទេ ហើយក៏ពុំដែលមានជំងឺអ្វីដែរ គាត់ក៏មិនបានដឹងពីមូលហេតុនៃការចងករនេះទេ ។
ក្រោយពីសមត្ថកិច្ចជំនាញ ធ្វើកោសល្យវិច្ច័យ រួចរាល់ហើយ បានបញ្ជាក់ថា ជនរងគ្រោះ ពិតជាស្លាប់ដោយសាចង-ក សម្លាប់ខ្លួនឯង ពិតប្រាកដមែន ហើយបានប្រគល់សពឱ្យ ក្រុមគ្រួសារដឹកយកទៅធ្វើបុណ្យនៅ ស្រុកកំណើតតាមប្រពៃណី៕
កម្មការីនីម្នាក់បានធ្វើអត្តឃាត ចង-កសម្លាប់ខ្លួន ក្នុងបន្ទប់ជួលដោយមិនដឹង មូលហេតុ
Reviewed by សារព័ត៌មាន ឯករាជ្យជាតិ
on
6:19:00 PM
Rating:
No comments: