រថយន្តម៉ាស្តារ ព្រលះរថយន្តរ៉េនរ៉ូវើ ត្រង់ចំណុចផ្លូវបែកជាបួន ខូចខាតយ៉ាងដំណំ

ភ្នំពេញ៖ ស្រ្តីម្នាក់បើករថយន្តម៉ាស្តារមួយគ្រឿងក្នុងល្បឿនលឿន ដល់ចំណុចផ្លូវបែកជាបួនចាប់ហ្វ្រាំងមិនទាន់ជ្រុលចង្កូតទៅរថយន្តរ៉េនរូវើមួយគ្រឿងទៀត ចំពាក់កណ្តាលពេញទំហឹងបណ្តាលអោយរថយន្តរ៉េនរូវើវិលមួយជំុទៅបោកនឹងដើមឈើមួយដើមទៀត រងរកាខូចខាតទាំងសងខាងយ៉ាងដំណំ តែសំណាងល្អមិនបង្កឲ្យមានអ្នករងរបួស។

ហេតុការណ៍នេះកើតឡើងកាលពីវេលាម៉ោង ១០ នឹង ៣០នាទីយប់ ថ្ងៃទី ១០ ខែ កញ្ញា ឆ្នាំ ២០១៨ ស្ថិតនៅតាមបណ្តោយផ្លូវ ៣៣៧ កែងផ្លូវ ៥២៨ ក្នុងសង្កាត់បឹក់ងកក់ ១ ខណ្ឌទួលគោគ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមប្រភពព័ត៏មានពីកន្លែងកើតហេតុបានឲ្យដឹងថា មុនកើតហេតុគេឃើញស្រ្តីម្នាក់ បើករថយន្តម៉ាស្តារមួយគ្រឿង ពណ៌ក្រហម ពាក់ស្លាកលេខ ភ្នំពេញ 2AM-1118 តាមបណ្តោយផ្លូវ ៥២៨ ទិសដៅពីត្បូងទៅជើង ក្នុងល្បឿនលឿន លុះមកដល់ផ្កូវបែកបួនកែងផ្លូវ ៣៣៧ ចាប់ហ្វ្រាំន់មិនទាន់ ជ្រុលចង្កូតទៅបុករថយន្តមួយគ្រឿងទៀត ម៉ាករ៉េនរូវើ ពណ៌ស ពាក់ស្លាកលេខភ្នំពេញ 2AP-7736 បើកបរដោយបុរសម្នាក់ រួមដំណើរនិងបុរសម្នាក់ទៀត​ តាមបណ្តោយផ្លូវ ៣៣៧ ទិសដៅពីកើតទៅលិច ចំពាក់កណ្តាលពេញទំហឹងបណ្តាលឲ្យរថយន្តរ៉េនរូវើ វិលមួយជុំ ទៅបោកនឹងដើមឈើមួយដើមទៀត រងរកាខូចខាតយ៉ាងដំណំដូចគ្នា តែសំណាងល្អមិនបង្កឲ្យមានអ្នករងរបួស។

ក្រោយកើតហេតុសមត្ថកិច្ចមូលដ្ឋានបានចុះមកដល់ ឲ្យភាគីទាំងសងខាងសម្របសម្រួលគ្នា ដោយភាគីទាំងសងមិនមានខាងណាសងខាងណា បានយករថយន្តទៅជួសជុលរៀងៗខ្លួន៕