នារីរូបស្រស់ស្រវឹងធ្លាក់ភ្នែក បើករថយន្ត ស៊េរីទំនើប បុកក្បាលនាគចែកទ្រូងផ្លូវ បាក់អស់ ២កង់

ភ្នំពេញ៖  នារីរូបស្រស់ម្នាក់ស្រវឹងស្រា ជោក បើករថយន្តស៊រីទំនើប ម៉ាកម៉ាស្តា មួយគ្រឿង ជ្រុលចង្កូតទៅបុកក្បាលនាគ ចែកទ្រូងផ្លូវ បណ្តាលឲ្យបាក់អស់ ២កង់ រថយន្តបង្កបែកកង់ខាងមុខខាងឆ្វេង ទៅមុខលេងរួច។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

ហេតុការណ៍នេះកើតឡើងកាលពីវេលាម៉ោង ១១ នឹង ៤០នាទីយប់ ថ្ងៃទី ៧ ខែ កញ្ញា ឆ្នាំ ២០១៨ ស្ថិតនៅចំណុចក្បែរ ក្រុមហ៊ុនទឹកបរិសុទ្ធវីតាល់ តាម បណ្តោយផ្លូវ ៥៩៨ ក្នុងសង្កាត់ទួលសង្កែ ២ ខណ្ឌឬស្សីកែវ។

តាមប្តភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញនារី រូបស្រស់ស្រវឹងស្រាម្នាក់ បើកស៊េរីទំនើប ម៉ាកម៉ាស្តា មួយគ្រឿង ពណ៌កណ្តុរប្រម៉េះ ពាក់ស្លាកលេខ ភ្នំពេញ 2AQ-7173 ក្នុងទិសដៅពីត្បូងទៅជើង លុះមកដល់ ចំណុចកើតហេតុខាងលើ បានរេចង្កូត មកខាងឆ្វេងដៃ ជ្រុលទៅបុកក្បាលនាគ ចែកទ្រូងផ្លូវ ពរញទំហឹង បណ្តាលឲ្យបាក់ ២កង់ ចំណែក ១កង់ ខ្ទាតទៅចំកណ្តាល ផ្លូវ ចំណែករថយន្តបង្កមិនទាន់អស់ល្បើន បានជ្រុលទៅមុខប្រមាណជា ៤០ម៉ែត្រ បែកកង់ខាងមុខខាងឆ្វេង ទៅលែងរួច ភ្លាមៗនោះសមត្ថកិច្ចដ្ឋានបានចុះមកដល់ និងមិនបានឃាត់ម្ចាស់រថយន្តបង្ក យកទៅវាស់ជាតិស្រវឹងនោះទេ បែរជាឲ្យ ម្ចាស់រថយន្តឡើងជិះម៉ូតូកង់បីឥណ្ឌា ចេញពីកន្លែងកើតហេតុបាត់។

ក្រោយកើតហេតុសមត្ថកិច្ចជំនាញ ចុះមកធ្វើការវាស់វែង យករថយន្តបង្ក ទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយ គ្នាទៅតាមផ្លូវច្បាប់៕