រថយន្តក្រុមហ៊ុនស្រាបៀរ GANZBERG បុករះត្រីចក្រយានយន្ត និងរឺម៉កលក់ សាច់អាំង ព្រមទាំងម៉ូតូមួយគ្រឿង រងខូចខាត

ភ្នំពេញ៖ បុរសម្នាក់ស្រវឹងស្រាធ្លាក់ភ្នែក បើករថយន្តនីសាន់របស់ក្រុមហ៊ុនស្រាបៀរ GANZBERG ជ្រុលទៅបុករះរឺម៉កលក់ សាច់អាំង និងត្រីចក្រយានយន្ត ព្រមទាំងម៉ូតូ FZ កំពុងឈប់លើចិញ្ចើមផ្លូវ បណ្ដាលឲ្យរងការខូចខាត តែសំណាងល្អ មិនបង្កអោយមានអ្នករងរបួស។

ហេតុការណ៍នេះកើតឡើងនៅវេលាម៉ោង ១២ នឹង ៣០នាទីយប់រំលងអាធ្រាត ឈានចូលថ្ងៃទី ៨ ខែ កញ្ញា ឆ្នាំ ២០១៨ ស្ថិតតាមបណ្ដោយផ្លូវ ២១៧ ចំណុចមុខ ក្លិបឌីយ៉ាម៉ង់ ក្នុងសង្កាត់ដង្កោ ខណ្ឌដង្កោ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមប្រភពពីកន្លែងកើតហេតុ បានឲ្យដឹង ថា មុខពេលកើតហេតុ គេឃើញបុរស ម្នាក់ ស្រវឹងស្រាធ្លាក់ភ្នែក បើករថយន្ត មួយគ្រឿង ម៉ាកនីសាន់ របស់ក្រុមហ៊ុន ស្រាបៀរ GANZBERG មួយគ្រឿង ពណ៌ទឹកមាស ពាក់ស្លាកលេខ ភ្នំពេញ 2Y-1135 ពីត្បូងទៅជើង ក្នុងល្បឿន លឿន ខណៈមកដល់ចំណុចកើតហេតុ ខាងលើ បានរេចង្កូតមកខាងស្ដាំ ជ្រុលទៅបុករុឺម៉កលក់សាច់អាំង និងត្រីចក្រយានយន្ត ព្រមទាំងម៉ូតូ FZ មួយគ្រឿង កំពុងឈប់ចតលើចិញ្ចើមផ្លូវ បណ្ដាលឲ្យរងការខូចខាត តែសំណាងល្អ អ្នកលក់សាច់អាំង និងកង់បីឥណ្ឌា បានលោតចេញទាន់មិនមានរងរបួស។

ក្រោយកើតហេតុសមត្ថកិច្ចមូលដ្ឋានបានមកដល់ អោយភាគីទាំងបីនាក់ ធ្វើការ សម្របសម្រួលគ្នា ដោយសាសំរួល មិនត្រូវ សមត្ថកិច្ចវាស់វែងយករថយន្ត បង្ក ព្រមទាំងរុឺម៉ក និងកង់បីឥណ្ឌា និងម៉ូតូមួយគ្រឿងទៀតទៅរក្សាទុកនៅ ចរាចរណ៍ ខណ្ឌដង្កោ រងចាំដោះស្រាយ នៅពេលក្រោយ៕