ជិះម៉ូតូបត់ត្រឡប់ក្រោយមិនប្រយ័ត្ន ត្រូវម៉ូតូមួយគ្រឿងបុក រងរបួសទាំង សងខាង ៤នាក់

ភ្នំពេញ៖ យុវជន ២នាក់ ជិះម៉ូតូមួយ គ្រឿង បត់ត្រឡប់ក្រោយ ខ្វះការប្រុង ប្រយ័ត្ន ត្រូវបានយុវជន ២នាក់ទៀត ជិះម៉ូតូមួយគ្រឿងចាប់ហ្វ្រាំងមិនទាន់ ជ្រុលចង្កូតទៅបុកពេញទំហឹង បណ្តាលឲ្យរងរបួសទាំង ៤នាក់ សងខាង។

ហេតុការណ៍នេះកើតឡើងកាលពីវេលាម៉ោង ១១ យប់ ថ្ងៃទី ៨ ខែ កញ្ញា ឆ្នាំ ២០១៨ ស្ថិតនៅចំណុចមុខបូរីភ្នំពេញថ្មី  តាមបណ្តោយផ្លូវ ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ។

មានទទួលផ្សាយពាណិជ្ជកម្ម Tel: 016 85 63 66
មានលក់បំពុងពន្លត់អគ្គីភ័យ ទុកបានរយៈពេល ៥ ឆ្នាំ

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញយុវជន ពីរនាក់ ជិះម៉ូតូមួយគ្រឿង ម៉ាកហុងដា ឌ្រីមសង់ ស៊េរី ០១៨ ពណ៌ខ្មៅ ពាក់ស្លាកលេខ ភ្នំពេញ 1FX-9755 ទិសដៅពីកើតទៅលិចលុះចំណុចកើតហេតុខាងលើ បានបត់ឆ្វេងដៃត្រឡប់ ក្រោយ ខណៈនោះក៏មានម៉ូតូមួយគ្រឿង ម៉ាកហុងដាឌ្រីមសង់ ស៊េរី ០១៥ ពណ៌ខ្មៅ ពាក់ស្លាកលេខ ភ្នំពេញ 1CU-8618 ជិះដោយយុវជនពីរនាក់ បញ្ច្រាស់ទិសដៅគ្នា ពីលិចទៅកើត ចាប់ហ្វ្រាំងមិនទាន់ ជ្រុលចង្កូតទៅបុក ពេញទំហឹង បណ្តាលឲ្យយុជនទាំង សងខាង ៤នាក់ រងរបួសដូចគ្នា ចណែក ម៉ូតូទាំងពីរគ្រឿង រងការខូចខាតយ៉ាង ដំណំ។

ក្រោយកើតហេតុហេយុសមត្ថកិច្ចមូលដ្ឋានបានចុះមកដល់ ទំនាក់ទំនងទៅ សមត្ថកិច្ចជំនាញ ចុះមកធ្វើការវាស់វែង យកម៉ូតូទាំងពីរគ្រឿងទៅរក្សាទុកនៅ អធិការដ្ឋាននគរបាល ខណ្ឌសែនសុខ រងចាំដោះស្រាយគ្នាទៅតាមផ្លូវច្បាប់៕