បុរសម្នាក់ជិះម៉ូតូទៅបុកត្រីចក្រយានយន្ត រងរបួសធ្ងន់

ភ្នំពេញ៖ បុរសម្នាក់ជិះម៉ូតូគុបជ្រុង មួយគ្រឿង ជ្រុលចង្កូតទៅបុកជាមួយ ម៉ូតូកង់បី មួយគ្រឿង បើកបញ្ច្រាស់ទិស ដៅគ្នា បណ្តាលឲ្យដួលរងរបួសធ្ងន់ ចំណែកត្រីចក្រយានយន្ត បើករត់គេច ខ្លួនបាត់។

ហេតុការណ៍នេះកើតឡើងកាលពីវេលាម៉ោង ២ យប់រំលងអាធ្រាត្រ ឈានចូល ថ្ងៃទី ៩ ខែ កញ្ញា ឆ្នាំ ២០១៨ ស្ថិតនៅ ខាងលិចការ៉ាស់សាំងតេលា តាម បណ្តោយផ្លូវ ១៧២ ក្នុងសង្កាត់ទឹកល្អក់ ៣ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66
មានលក់បំពុងពន្លត់អគ្គីភ័យ ទុកបានរយៈពេល ៥ ឆ្នាំ

តាមប្រភពព័ត៌មានពីកន្លែងកើតបានឲ្យដឹងថា មុនកើតហេតុ គេឃើញបុរសម្នាក់ ជិះម៉ូតូមួយគ្រឿង ម៉ាកហុងដាគុបជ្រុង ពណ៌ស្លែ ពាក់ស្លាកលេខ តាកែវ 1A-1146 ទិសដៅពីលិចទៅកើត លុះដល់ចំណុចកើតហេតុខាងលើ បានរេចង្កូតមកខាងឆ្វេងដៃ ជ្រុលទៅបុក ម៉ូតូកង់បីមួយគ្រឿង មិនចាំស្លាកលេខ បើកបញ្ច្រាស់ទិសដៅគ្នា ពីកើតទៅលិច បណ្តាលឲ្យដួលបោកនឹងថ្នល់ រងរបួស ធ្ងន់ ត្រូវបានរថយន្តសង្គ្រោះគ្លីនីកហុង ហាក់ ដឹកយកទៅសង្គ្រោះភ្លាមៗ ចំណែក ម៉ូតូកង់បីមិនឈប់នៅនិងកន្លែងហេតុនោះទេ បានបើករត់គេចខ្លួនបាត់ ស្រមោល បន្សល់ទុកជនរងគ្រោះដេក សន្លប់ ស្តូកស្តឹង នៅនិងកន្លែងកើតហេតុ ខណៈនោះក៏មានបុរសម្នាក់ មកកាន់ ទូរស័ព្ទ និងកាបូបលុយដោយអះអាងថា ជាសាច់ញាតិជនរងគ្រោះ ស្រាប់តែ សមត្ថកិច្ចមូលដ្ឋាន ចុះមកដល់បាន ប្រគល់ កាបូបលុយ និងទូរស័ព្ទ ទៅឲ្យសមត្ថកិច្ចដោយមិនបានរៀបរាប់វែងឆ្ងាយទៀតទេ រួចគេចខ្លួនចេញពីកន្លែងកើតហេតុ បាត់ស្រមោល។ ចំណែកម៉ូតូ សមត្ថកិច្ចយកទៅរក្សាទុកនៅអធិការដ្ឋាននគរបាល ខណ្ឌទួលគោក រងចាំសាច់ ញាតិ យកឯកសាមកផ្ទៀងផ្ទាត់ ដើម្បី យកត្រឡប់ទៅផ្ទះវិញ៕