រថយន្តឡង់គ្រីស័រ ព្រលះម៉ូតូឌូក រងរបួសធ្ងន់ ៣នាក់

ភ្នំពេញ៖ បុរសម្នាក់បើករថយន្តមួយគ្រឿង វ៉ាជែងជ្រុលទៅបុកម៉ូតូមួយគ្រឿង បណ្ដាលអោយប្ដីប្រពន្ទពីរនាក់រួមទាំង កូនតូចរងរបួសធ្ងន់។

ហេតុការណ៍នេះកើតឡើងនៅវេលាម៉ោង ៨ នឹង ៥០នាទីយប់ ថ្ងៃទី ៦ ខែ កញ្ញា ឆ្នាំ ២០១៨ ស្ថិតតាមបណ្ដោយផ្លូវបេតុង ក្នុងភូមិសំបួរ សង្កាត់ដង្កោ ខណ្ឌដង្កោ។

មានទទួលផ្សាយពាណិជ្ជកម្ម Tel: 016 85 63 66

តាមប្រភពពីកន្លែងកើតហេតុបានអោយដឹងថា មុនពេលកើតហេតុ គេឃើញបុរស ម្នាក់ បើករថយន្តឡង់គ្រីស័រ ពណ៌សំបក ឪឡឹក ពាក់ស្លាកលេខ សៀមរាប 2A-1988 ពីកើតទៅលិច ក្នុងល្បឿន លឿន ខណៈមកដល់ចំណុចកើតហេតុ ខាងលើ បានវ៉ាជែង ជ្រុលទៅបុកម៉ូតូឌូក ពណ៌ខ្មៅ លាយលឿង ពាក់ស្លាកលេខ ព្រែងវែង 1I-3388 បើកដោយប្ដីប្រពន្ធ ពីរនាក់ រួមទាំងកូនតូច កំពុងបើកបរ ពីលិចទៅកើត បញ្ច្រាស់ទិសគ្នា ពេញទំហឹង បណ្ដាលឲ្យដួលបោក និងថ្នល់ រងរបួសធ្ងន់ទាំងបីនាក់ ត្រូវបាន បញ្ជូនទៅសង្គ្រោះភ្លាមៗ ចំណែករថយន្ត បង្កព្យាយាមបើករត់បានប្រមាណ ៥០ ម៉ែត្រ ត្រូវបានអ្នកឃើញហេតុការណ៍ ឃាត់បានរថយន្តបង្ក និងអ្នកបើកបរ តែម្ដង។

ក្រោយកើតហេតុ សមត្ថកិច្ចមូលដ្ឋាន បានមកដល់កន្លែងកើតហេតុ វាស់វែង យករថយន្តបង្ក និងម៉ូតូរងគ្រោះទៅ ការិយាល័យចរាចរណ៍ ខណ្ឌដង្កោ រងចាំដោះស្រាយនៅពេលក្រោយ។