រថយន្តហាយឡែនឌ័រព្រលះ ដើមត្របែកព្រៃ មួយដើម ខូចខាតយ៉ាងដំណំ

ភ្នំពេញ៖ រថយន្តហាយឡែនឌ័រមួយគ្រឿង បើកបោះពួយយ៉ាងលឿនបានរេចង្កូតទៅបុកដើមត្របែកព្រៃមួយដើមនៅតាមចិញ្ចើមផ្លូវពេញទំហឹងបណ្តាលរថយន្តខូចខាតផ្នែកខាងមុខយ៉ាងដំណំចំណែកម្ចាស់បានគេចខ្លួនបាត់។

ហេតុការណ៍នេះកើតឡើងកាលពីវេលាម៉ោង២-៣០នាទីយប់រំលងអាធ្រាត្រឈានចូលថ្ងៃទី១៥ខែកញ្ញាឆ្នាំ២០១៨ស្ថិតនៅចណុចមុចមុខភោជនីយដ្ឋាន ហ៊ួរ ណាម ខាងត្បូងស្តុបបួកគោប្រមាណជា១០០ម៉ែត្រ តាមបណ្តោយផ្លូវព្រះមុនីរង្ស ក្នុងសង្កាតបឹងត្របែក ខណ្ឌចំការមន។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញ រថយន្តហាយឡែនមួយគ្រឿងពណ៏ខ្មៅ ពាក់ស្លាកលេខ ភ្នំពេញ 2AC-2470 បើកបរទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុខាងលើបានរេចង្កូតមកខាងស្តាំជ្រុលទៅបុកដើមត្របែកព្រៃមួយដើមនៅតាមចិញ្ចើងផ្លូវពេញទំហឹងបណ្តាលរថយន្តខូចខាតផ្នែកខាងមុខយ៉ាងដំណំចំណែកដើមត្របែកព្រៃទ្រេតតិចតួចចំណែកម្ចាស់រថយន្តបង្កទុករថយន្តចោលគេចខ្លួនចេញពីកន្លែងកើតហេតុបាត់ស្រមោល។

ក្រោយកើតសមត្ថកិច្ចមូលដ្ឋានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕