នគរបាលប៉ុស្តិ៍អូរបែកក្អម ធ្វើកាឃាត់ខ្លួន យុវជន ៣នាក់ រួមនិងថ្នាំញៀន ១កញ្ចក់តូច

ភ្នំពេញ៖ កម្លាំងនគរបាលប៉ុស្តិ៍អូបែកក្អម ធ្វើការល្បាតក្នុងភូមិសាស្ត្រធ្វើការឃាត់ខ្លួនយុវជន៣នាក់ដកហូតបានថ្នាំញៀន១កញ្ចក់តូចនិងម៉ូតូមួយគ្រឿង កាលពី វេលាម៉ោង ១ ៖ ៤០ នាទីយប់ រំលង អាធ្រាត្រឈានចូលថ្ងៃទី ១៦ ខែ កញ្ញា ឆ្នាំ ២០១៨ ស្ថិតនៅចំណុចស្តុប ណតប្រ៊ីត តាមបណ្តោយផ្លូវ ២០០៤ ក្នុងសង្កាត់អូបែកក្អម ខណ្ឌសែនសុខ។

យុវជនទាំង៣នាក់ទី១មានឈ្មោះ អូយ ឆាយអីុ ភេទប្រុស អាយុ ១៨ឆ្នាំ មុខរបរធ្វើម៉ាសុីនត្រជាក់ ស្នាក់នៅផ្សារទឹកខ្មៅ ខេត្តកណ្តាល។
ទី២មានឈ្មោះ ញ៉ វាសនា ភេទប្រុស អាយុ ១៨ ឆ្នាំ មុខរបរជាងមាស ស្នាក់នៅបឹងកែងកង ខណ្ឌចំការមន។
ទី៣មានឈ្មោះ អ៊ាល វាន់ឌី ភេទប្រុស អាយុ ២៦ ឆ្នាំ មុខរបរជាងកាត់ដេរ ស្នាក់នៅម្តុំចំការព្រីង ខណ្ឌសែនសុខអ្នកទាំង៣នាក់រស់ស្រុកឈូក ខេត្តកំពត។

មានទទួលផ្សាយពាណិជ្ជកម្ម Tel: 016 85 63 66

តាមសម្តីសមត្ថកិច្ចបានឲ្យដឹងថា មុននិងធ្វើកាឃាត់ខ្លួនយុវជនទាំង ៣នាក់ខាងលើនេះ កម្លាំងប៉ុស្តិ៍អូរបែកក្អម បានធ្វើការល្បាតនៅក្នុងភូមិសាស្ត្រ ដើម្បីទប់់ស្កាត់បទល្មើសផ្សេងៗ ខណៈនោះក៏ឃើញយុវជន ៣នាក់ ជិះម៉ូតូមួយគ្រឿង ម៉ាកស៊ុយស៊ូគីលេត ពណ៌ស ពាក់ស្លាកលេខ ភ្នំពេញ 1HB-2719 ទិសដៅពីកើកទៅលិច ដោយមានការសង្ស័យ កម្លាំងបានហៅឲ្យឈប់រួចបានឆែកឆេរ លើខ្លួនប្រាណ ប្រទះឃើញថ្នាំញឿន ១កញ្ចប់តូច ត្រូវបានកម្លាំងឃាត់ខ្លួនតែម្តង ចំណែកយុជនទាំង ៣នាក់ បានសារភាពថា ថ្នាំញៀននេះពិតជារបស់ខ្លួនមែន ទើបតែទិញពីម្តុំផ្សារដើម-គ ក្នុងតម្លៃ ២មឺុនរៀល ដើម្បីយកទៅប្រើប្រាស់។

បច្ចុប្បន្នយុវជនទាំង ៣នាក់ ត្រូវបានកម្លាំងសមត្ថកិច្ខបញ្ជូនខ្លួនមកសួរនាំ នៅប៉ុស្តិ៍នគរបាលរដ្ឋាល អូរបែកក្អម និងបញ្ជូនបន្តទៅអធិការដ្ឋាន នគរបាល ខណ្ឌសែនសុខ ដើម្បីចាត់ការទៅតាមនីតិវិធីច្បាប់៕