រថយន្តលុចស៊ីស ៣០០ ព្រលះរថយន្ត ព្រូស ពីក្រោយរងកាខូចខាតទាំង សងខាង

ភ្នំពេញ៖ បុរសម្នាក់រួមដំណើរនិងនារី ម្នាក់ទៀត បើករថយន្តលុចសុីស ៣០០ មួយគ្រឿង មិនប្រយ័ត្ន ជ្រុលចង្កូច ទៅបុករថយន្តព្រូស បើកនៅខាងមុខ ពីក្រោយពេញទំហឹង បណ្តាលឲ្យរងការ ខូចខាតទាំងសងខាងយ៉ាងដំណំ តែមិនបង្កឲ្យមានអ្នករងរបួស។

មានទទួលផ្សាយពាណិជ្ជកម្ម Tel: 016 85 63 66

ហេតុការណ៍នេះកើតឡើងកាលពីវេលាម៉ោង ១០ នឹង ៣០នាទីយប់ ថ្ងៃទី ៦ ខែ កញ្ញា ឆ្នាំ ២០១៨ ស្ថិតនៅចំណុចមុខ សលកវិទ្យាល័យអាសីុអឺរ៉ុប តាម បណ្តោយផ្លូវកម្ពុជាក្រោម ក្នុងសង្កាត់ទឹកល្អក់១ ខណ្ឌទួលគោក។

តាមប្រពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ម្នាក់ រួមដំណើរជាមួយប្រពន្ធ និងកូនតូច ម្នាក់ទៀត បើករថយន្តព្រូសមួយគ្រឿង ពណ៌ស គ្មានស្លាកលេខ ទិសដៅពីលិច ទៅកើត លុះមកដល់ចំណុចកើតហេតុ ខាងលើ ក៏មានរថយន្តមួយគ្រឿង ម៉ាកលុចសុីស RX-៣០០ ពណ៌ប្រផេះ ពាក់ស្លាកលេខ ភ្នំពេញ 2U-4058 បើកបរដោយបុរសម្នាក់ រួមដំណើរនិងនារីម្នាក់ទៀត បើកមកពី ក្រោយ ស្របទិសដៅគ្នា បុកពេញទំហឹង បណ្តាលឲ្យរថយន្តព្រូស បែកស្តុបនិង កាងខាងក្រោយ ខាងស្តាំ ខូចខាតយ៉ាង ដំណំ ចំណែករថយន្តលុចសុីស ខូចខាត ផ្នែកខាងមុខខាងឆ្វេងយ៉ាងដំណំ ដូចគ្នា។

ក្រោយកើតហេតុសមត្ថកិច្ចមូលដ្ឋាន និងជំនាញ បានចុះមកដល់ ឲ្យភាគីទាំង សងខាងសម្របសម្រួលគ្នា ដោយភាគី បង្កចេញសំណងទៅឲ្យភាគីរងគ្រោះ ចំនួន ៤៥០ ដុល្លារ ដើម្បីបញ្ចប់រឿងនៅ កន្លែងកើតហេតុ៕