ស្រវឹងស្រាជោក បើករថយន្តបុកគេហើយ ថែមទៀតទាំងរករឿងគេទៀត

ភ្នំពេញ៖ បុរសម្នាក់ស្រវឹងស្រាជោក បើករថយន្តមួយគ្រឿង ជ្រុលទៅបុក រថយន្តពីរគ្រឿងទៀត បន្តកន្ទុយពីក្រោយ រងការខូចខាតយ៉ាងដំណំ ហើយមិន ទទួល កំហុសទេ បែរជាចង់មករករឿង ម្ចាស់រថយន្តរងគ្រោះ និងសមត្ថកិច្ចទៅ វិញ ត្រូវបានសមត្ថកិច្ចសម្រេចចិត្ត ចាប់វាយខ្នោះទើបស្ងប់ចិត្ត។

ហេតុការណ៍នេះកើតឡើងកាលពីវេលាម៉ោង ៨ នឹង ៣០នាទីយប់ ថ្ងៃទី ៣ ខែ កញ្ញា ឆ្នាំ ២០១៨ ស្ថិតនៅតាមបណ្តោយ ផ្លូវ ៥៩៨ ចំណុចស្តុបត្រឡោកបែក ក្នុងសង្កាត់បឹងកក់២ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66

សាក្សីនៅកន្លែងកើតហេតុបានឲ្យដឹងថា មុនកើតហេតុ គេឃើញបុរសម្នាក់ ស្រវឹងស្រាជោកជាំ បើករថយន្តមួយ គ្រឿង ម៉ាករ៉េហ្វ័រ ពណ៌ខ្មៅ ពាក់ស្លាក លេខ ភ្នំពេញ 20-0349 ទិសដៅពីត្បូង ទៅជើង លុះមកដល់ចំណុចកើតហេតុ ខាងលើ បានជ្រុលបុករថយន្តមួយគ្រឿង ម៉ាក ម៉ាស្តារ ពណ៌ស ពាក់ស្លាកលេខ ភ្នំពេញ 2AU-9223 កំពុងបើកបរនៅ ខាងមុខ ស្របទិសដៅគ្នាពីក្រោយ បណ្តាលឲ្យរថយន្តម៉ាស្តារ ជ្រុលទៅបុក រថយន្តមួយគ្រឿងទៀត ម៉ាក ហ្វតឺន័រ ពាក់ស្លាកលេខ ភ្នំពេញ 2AC-9762 បើកបរនៅខាងបុកមុខ ពីក្រោយ បណ្តាលឲ្យ កំពឹតខាងក្រោយតិចតួច ចំណែករថយន្តម៉ាស្តា ខូចខាតផ្នែកខាង មុខ និងខាងក្រោយយ៉ាងដំណំ ភ្លាមៗនោះ ម្ចាស់រថយន្តបង្កមិនព្រម ទទួល កំហុសនោះទេ ថែមទាំងស្រែក ឡូឡា ផ្អើលអស់អ្នកធ្វើដំណើរនៅតាម ដងផ្លូវ និងថែមទាំងរករឿងម្ចាស់រថយន្ត រងគ្រោះ ខណៈនោះកម្លាំងសមត្ថកិច្ច មូលដ្ឋាន និងជំនាញខណ្ឌ ចុះមកដល់ និងសម្របសម្រួល និងឃាត់តែម្ចាស់ រថយន្តបង្កនៅតែមិនស្តាប់សមត្ថកិច្ចនោះទេ ថែមទាំងរករឿងទៀតផង ទើបសត្ថកិច្ច សម្រេចចិត្តចាប់វាយខ្នោះបញ្ជូនមកអធិការដ្ឋាននគរបាល ខណ្ឌទួលគោក ទើបស្វប់ចិត្ត។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android

ក្រោយកើតហេតុសមត្ថកិច្ចជំនាញបានធ្វើការវាស់វែង យករថយន្តទាំងបីគ្រឿង រួមនិងម្ចាស់រថយន្តបង្ក ទៅស្នងការ ចរាចរណ៍ រាជធានីភ្នំពេញ រងចាំ ដោះស្រាយគ្នាទៅតាមផ្លូវច្បាប់៕