ស្ទាវពីរនាក់ស្រវឹងស្រាជោក ជិះម៉ូតូវ៉ា រថយន្តកុងតឺន័រមិនផុត ជ្រុលទៅបុក រថយន្តមួយគ្រឿងទៀត ខូចខាតយ៉ាង ដំណំ

ភ្នំពេញ៖ ស្ទាវពីរនាក់ស្រវឹងស្រាធ្លាក់ភ្នែក ជិះមួយគ្រឿងឌុបគ្នាក្នុងល្បឿនលឿន បានវ៉ាជែងរថយន្តកុងតឺន័រមួយគ្រឿង នៅខាងមុខមិនផុត ជ្រុលទៅបុករថយន្ត មួយគ្រឿងទៀតបណ្តាលឲ្យរងការខូចខាតយ៉ាងដំណំ សំណាងល្អរងរបួស ស្រាល។

ហេតុកាតនែះកើតឡើងកាលពីវេលាម៉ោង ៨ នឹង ៤០នាទីយប់ ថ្ងៃទី ១៩ ខែ កញ្ញា ឆ្នាំ ២០១៨ ស្ថិតនៅតាមផ្លូវបេតុង ច្រកចូលផ្សារទួលពង្រ ប្រមាណជា ២០០ម៉ែត្រ ក្នុងសង្កាត់ចោមចៅទី១ ខណ្ឌពោធិសែនជ័យ។

មានទទួលផ្សាយពាណិជ្ជកម្ម Tel: 016 85 63 66

តាមសាក្សីឃើញហេតុការណ៍នេះបានឲ្យដឹងថា មុនកើតហេតុ គេឃើញស្ទាវពីរ នាក់ ស្រវឹងស្រាជោក ជិះម៉ូតូមួយគ្រឿង ម៉ាកហុងដាឌ្រីមសង់ ស៊េរី ០១៦ ពណ៌ខ្មៅ ពាក់ស្លាកលេខ ព្រៃវែង 1H-4503 ឌុបគ្នាក្នុងល្បឿនលឿន ទិសដៅពីត្បូងទៅជើង លុះមកដល់ ចំណុច កើតហេតុ បានវ៉ាជែងរថយន្ត កុងតឺន័រមួយគ្រឿង បើកនៅខាងមុខ មិនផុត ចូលមកចីណីផ្លូវម្ខាងទៀត ទៅបុករថយន្តមួយគ្រឿង ម៉ាកកូរ៉ូឡា ពណ៌ស្ករ ពាក់ស្លាកលេខ ភ្នំពេញ 2O-7253 បើកបរដោយបុរសម្នាក់ បញ្ច្រាស់ទិសដៅគ្នា ពីជើងទៅត្បូង ពេញទំហឹងបណ្តាលឲ្យយុវជនទាំងពីរនាក់ រងរបួសស្រាល ចំណែករថយន្ត និងម៉ូតូខូចខាតយ៉ាងដំណំដូចគ្នា។

ក្រោយកើតហេតុសមត្ថកិច្ចមូលដ្ឋាន បានចុះមកដល់ ទំនាក់ទំនងទៅ សមត្ថកិច្ចជំនាញ ចុះមកវាស់វែង យករថយន្ត និងម៉ូតូ ទៅរក្សាទុកនៅ អធិការដ្ឋាន នគរបាល ខណ្ឌពោធិសែនជ័យ រងចាំដោះស្រាយ គ្នា ទៅតាមផ្លូវច្បាប់៕