ជាងភ្លើងម្នាក់មកធ្វើការថ្ងៃដំបូង យកមូទ័រទៅស្វាន ជញ្ជាំងបង្កប់ខ្សែរភ្លើង ឆ្លងចរន្តអគ្គីសនីឆក់ស្លាប់មួយរំពេច

ភ្នំពេញ​​ ៖​ យុវជនជាជាងភ្លើងម្នាក់ បានមកធ្វើការថ្ងៃដំបូងនៅផ្ទះមួយកន្លែង ដែលម្ចាស់ជួលជាងមកជួសជុលបន្តែមទៀត រួចបានយកមូទ័រទៅស្វានជញ្ជាំង ដើម្បីបង្កប់ខ្សែរភ្លើងបណ្តាលឲ្យឆ្លងចរន្ត អគ្គីសនីឆក់ស្លាប់យ៉ាងអាណោចអធ័ម។

​ហេតុការបង្កឲ្យមានការ​ភ្ញាក់​ផ្អើលនេះ កើត​ឡើង​កាល​ពី​វេលាម៉ោង​ជាង​ ៤​ល្ងាច​ថ្ងៃ​ទី​ ១៣ ខែ ​វិច្ឆិកា​ ឆ្នាំ​ ២០១៨​ ​ស្ថិត​នៅ​ចំណុចផ្ទះ​លេខ​ ៧៨​ ផ្លូវ ​៥៩២ មុខសាលាឥន្ទ្រទេវី​ ក្នុង​សង្កាត់​បឹង​កក់​ទី​២​ ខណ្ឌ​ទួលគោក​។

សមត្ថកិច្ចមានឲ្យដឹងថា ជនរងគ្រោះ (ស្លាប់) មានឈ្មោះ អុឹង វាសនា ភេទ ប្រុស អាយុ ២៦ មុខរបរ ជាងភ្លើង ស្នាក់ផ្ទះលខ ១៤៥ង ភូមិស្លែងរលើង សង្កាត់អូបែកក្អម ខណ្ឌសែនសុខ។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភព​ពី​បុរសម្នាក់ជាមេជាង ជនរងគ្រោះ បានឲ្យដឹងថា ជនរងគ្រោះ ទើបនិងមកធ្វើការថ្ងៃដំបូង នៅទីតាំង ចំណុចកើតហេតុខាងលើ មុនកើតហេតុ ជនរងគ្រោះបានយកមូទ័រ និងជណ្តើរ ដែក ឡើងទៅស្វានជញ្ជាំងនៅជាន់ទី ២ ដើម្បីបង្កប់ខ្សែរភ្លើង តាមជញ្ជាំងតែ អកុសល ត្រូវឆ្លងចរន្តអគ្គិសនី ឆក់ស្លាប់ យ៉ាងអាណោចអធ័មនៅនិងកន្លែង ពេលនោះដែរ អ្នកធ្វើការជាមួយគ្នា ឃើញហេតុការណ៍នេះ បានរាយការណ៍ ជូនទៅសមត្ថកិច្ចចុះមកពិនិត្រនៅកន្លែងកើតហេតុ។

ក្រោយ​​កើតហេតុ​សមត្ថកិច្ចមូលដ្ឋាន បានទំនាក់ទំនងទៅផ្នែកជំនាញ ចុះមក ធ្វើកោលស្យវិច្ច័យសព រួចបានប្រគល់​ជូនទៅ​ឲ្យ​​ក្រុម​​គ្រួសារ​ដឹក​យក​ទៅ​ធ្វើ​បុណ្យ​តាម​ប្រពៃណី​៕