ប្ដីប្រពន្ធ​ ២នាក់ ស្រវឹងស្រា ជិះម៉ូតូទៅទារ លុយពីស្ត្រីម្នាក់ នៅហាងម៉ាស្សា រហូតឈ្លោះប្រកែកគ្នាផ្អើលទាំងយប់

ភ្នំពេញ៖  ប្ដីប្រពន្ធ​២នាក់ស្រវឹងស្រា​ ជិះម៉ូតូមួយគ្រឿង មកទារ​លុយ​ពីស្ត្រីម្នាក់​ក្នុងហាងម៉ាស្សាមួយកន្លែង​ រហូតឈ្លោះ ប្រកែកគ្នា បង្កការភ្ញាក់ផ្អើល​ឡើង កាលពី វេលាម៉ោង ១០ ៖ ១៥នាទីយប់ ថ្ងៃ​ទី ០៩ ខែវិច្ឆិកា​ ឆ្នាំ២០១៨ នៅចំណុច ហាង ម៉ាស្សាមួយកន្លែង យីហោ (១៦៨ ម៉ាស្សាកោសជប់") តាមបណ្តោយផ្លូវ ២៧១ ជិត​ស្ថានីយ៍បូមទឹក​បឹងត្របែក​ ស្ថិតក្នុងសង្កាត់ចាក់អង្រែលើ​ ខណ្ឌមានជ័យ​។

មានទទួលផ្សាយពាណិជ្ជកម្ម Tel: 016 85 63 66
មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីអ្នកឃើញ ហេតុការណ៍ផ្ទាល់​ បានប្រាប់ឲ្យដឹងថា  នៅមុនពេលកើតហេតុ គេឃើញ បុរសនារី ២នាក់ ប្ដីប្រពន្ធ មិនដឹងមក ពីណាទេ​ ខណៈបុរសម្នាក់ជាប្ដីស្រវឹងស្រា  បានជិះម៉ូតូ​ស៊េរីចាស់ (មិនស្គាល់ម៉ាក​) ម្នាក់មួយគ្រឿង មកដល់កន្លែងម៉ាស្សា ខាងលើ រួចបាន ចុះពីលើម៉ូតូ​ដើរមកទារ លុយ​ ពីស្ត្រីម្នាក់​ជាអ្នកម៉ាស្សាក្នុងហាង ខាងលើ​ តែស្ត្រីម៉ាស្សានោះ​បានប្រកែក​តបមកវិញថា ចាំពេលមានលុយ ចាំយកទៅសង ដោយសារតែបុរសជាប្ដី កំពុងស្រវឹងផង​ ស្រាប់តែទាស់ពាក្យសំដី គ្នា ទៅវិញទៅម​ក​ រហូតស្ទុះទៅរកវាយ​ស្ត្រីម៉ាស្សាខាងលើ​ តែត្រូវបាន​ស្ត្រីជា ប្រពន្ធមកចាប់ទាញឃាត់ តែនៅប្រកែក គ្នាទៀត​ ទើបបង្កការភ្ញាក់ផ្អើលដល់​បងប្អូនអ្នកជិតខាង ចេញមកចោមរោម មើល ក្រោយមកបានប្រហែល ៥នាទី​ ស្ត្រីជាប្រពន្ធ បាននិយាយជាភាសា​វៀតណាម​ (មិនដឹងថាម៉េចទេ) ទើបបុរសជាប្ដី​ដើរមកឡើងម៉ូតូជិះ ចេញទៅបាត់ ​ទើបស្ត្រីជាប្រពន្ធឡើងជិះ ម៉ូតូចេញតាមក្រោយបាត់ដែរទៅ ទើបសមត្ថកិច្ចល្បាតប៉ុស្តិ៍នគរបាល ចុះមកដល់កន្លែងកើតហេតុ ។

ក្រោយពេលកើតហេតុសមត្ថកិច្ចក៏បានចុះមកសាកសួរដែរ តែម្ចាស់ទីតាំងហាង ម៉ាស្សាខាងលើបានបិទភ្លើងចាក់សោរ បិទទ្វារ​អស់ហើយ​ ៕