ស្រវឹងស្រាជោក បើករថយន្តស៊េរីទំនើប លឿនពេក ជ្រុលទៅបុករថយន្តដឹកសំរាមពីក្រោយ រងរបួសធ្ងន់ កម្មករម្នាក់

ភ្នំពេញ៖ ស្ត្រីរូបស្រស់ម្នាក់ស្រវឹងស្រា ជោក បើករថយន្តស៊េរីទំនើប ម៉ាកឡង់ គ្រឺស័រ មួយគ្រឿង ជ្រុលទៅបុករថយន្ត ដឹកសំរាមក្រុមហ៊ុនសុីនទ្រីកំពុងចតប្រមូលសំរាមនៅតាមចិញ្ចើមផ្លូវពីក្រោយពេញទំហឹង បណ្តាលឲ្យបុរសជាកម្មករម្នាក់ រងរបួសធ្ងន់ ចំណែករថយន្ត បង្កក្រឡាប់ផ្ងាជើង។

ហេតុការណ៍កាលពីនេះកើតឡើងកាលពីវេលាម៉ោង ១:១០នាទីយប់រំលងអាធ្រាត ឈានចូលថ្ងៃទី ១៣ ខែ ធ្នូ ឆ្នាំ ២០១៨ ស្ថិតចំណុចមុខឃ្លាំងសាំងសូគីមិុច តាមបណ្តោយផ្លូវជាតិលេខ ៥ ក្នុងសង្កាត់ឬស្សីកែវ ខណ្ឌឬស្សីកែវ។

តាមប្រភពពីអ្នកឃើញហេតុការនេះបានឲ្យដឹងថាមុនកើតហេតុគេឃើញរថយន្តដឹកសំរាមក្រុមហ៊ុនសុីនទ្រីមួយគ្រឿងពណ៌លឿងលេខរៀង353បើកបរដោយបុរសម្នាក់រួមនិងដំណើរនិងកម្មករបីនាក់ទៀតមកឈប់ប្រូមូលសំរាមនៅចំណុចកើតហេតុខាងលើក្នុងទិសដៅពីត្បូងទៅជើងខណះនោះក៍មានរថយន្តស៊េរីទំនើបមួយគ្រឿងពណ៌សពាក់ស្លាកលេខភ្នំពេញ2AV-5959បើកបរដោយស្ត្រីរូបស្រស់ម្នាក់ស្រវឹស្រាជោគស្របទិសដៅគ្នាមកពីក្រោយបុកចំពីក្រោយចំហៀងខាងឆ្វេងពេញទំហឹងបណ្តាលឲ្យ បុរសជាកម្មករម្នាក់ក្នុងចំណោមបីនាក់កំពុងប្រមូលសំរាមដាក់រថយន្តនៅពីក្រោយរងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ។ចំណែករថយន្តបង្កក្រឡាប់ផ្ងាជើងខូចខាតផ្នែកខាងមុខស្ទើទាំងស្រុងបន្ទាប់ត្រូវបានប្រជាពលរដ្ឋនៅនិងកន្លែងកើតហេតុជួយនាំគ្នាក្រឡាប់ផ្ងាមកវិញសំណាស់ម្ចាស់រថយន្តបង្កមិនមានរងរបួសនោះទេត្រូវបានសមត្ថកិច្ចដ្ឋានចុះមកធ្វើការឃាត់ខ្លួនភ្លាមៗនៅនិងកន្លែងកើតហេតុ។ចំណែករថយន្តដឹកសំរាមខូចខាតផ្នែកខាងក្រោយ និងវៀចកង់ខាងក្រោយខាងឆ្វេងម្ខាងបើកទៅមុខលេងរួច។

ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៌ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕