ជនសង្ស័យមួយក្រុម ធ្វើសកម្មភាពចាក់ ទៅលើបុរសម្នាក់ជាច្រើនកាំបិត រងរបួសធ្ងន់មិនដឹងមូលហេតុ

ភ្នំពេញ៖ បុរសម្នាក់បានរងរបួសជាច្រើន កាំបិតបន្ទាប់ពីមានជនសង្ស័យមួយក្រុមមានគ្នា៦នាក់ជិះម៉ូតូបីគ្រឿងដេញចាក់បណ្តាលឲ្យរងបួសធ្ងន់  ខណះជនរងគ្រោះ កំពុងជិះម៉ូតូម្នាក់ឯងនៅតាមដងផ្លូវមិនដឹងមូលហេតុ រួចនាំគ្នាជិះគេចខ្លួនបាត់ស្រមោល។

ហេតុការណ៍នេះកើតឡើងកាលពីវេលាម៉ោង១០យប់ថ្ងៃទី១២ខែធ្នូឆ្នាំ២០១៨ស្ថិតនៅតាមបណ្តោយផ្លូវ២៦១កែនិងផ្លូវ១៣៨ ក្នុងសង្កាត់ទឹកល្អក់១ ខណ្ឌទួលគោក។

តាមប្រភពពីប្រជាពលរដ្ឋឃើញហេតុការនេះបានឲ្យដឹងថាមុនកើតគេឃើញជនរងគ្រោះជិះម៉ូតូម៉ាកហុងដាឌ្រីមសង់ស៊េរី០១៧ពណ៌ខ្មៅពាក់ស្លាកលេខភ្នំពេញ1GD-0070ធ្វើដំណើរតាមបណ្តោយផ្លូវ២៦១ទិសដៅពីត្បូងទៅជើងលុះដល់ចំណុចកើតហេតុខាងលើ ស្រាប់តែលេចមុខជនសង្ស័យមួយក្រុមមានគ្នា៦នាក់ជិះម៉ូតូបីគ្រឿងមិនចាំម៉ាកជិះមកពីក្រោយអៀបជនរងគ្រោះរួចបានធ្វើសកម្មភាពដកកូចកាំបិតមុខស្រួចចាក់ទៅលើជនរងគ្រោះជាច្រើនកាំបិតបណ្តាលឲ្យ ហូឈាមស្រោចពេញខ្នួននិងតាមដងផ្លូវរងរបួសធ្ងន់បន្ទាប់ត្រូវបានរថយន្តសង្គ្រោះបន្ទាន់ក្លីនីកហុង ហាក់ដឹងយកទៅសង្គ្រោះភាមៗដោយស្ថានភាពជនរងគ្រោះរងរបួសធ្ងន់ធ្ងរពេកត្រូវបានបញ្ជូនបន្តទៅសង្គ្រោះនៅមន្ទីពេទ្យកាលម៉ែត។ចំណែកជនសង្ស័យក្រោយពីបានធ្វើសកម្មភាពរួចនាំគ្នាជិះម៉ូតូគេចខ្លួនបាត់ស្រមោល។

ក្រោយកើតហេតុសមត្ថកិច្ចមូលដ្ឋានចុះមកដល់បានយកម៉ូតូជនរងគ្រោះទៅក្សាទុកនៅប៉ុស្តិ៍នគរបាលរដ្ឋបាលទឹកល្អក់១រងចាំសាច់ញាត្តិយកឯកសារមកផ្ទៀងផ្ទាត់ដើម្បីយកត្រឡប់ទៅផ្ទះវិញ។ចំណែកជនសង្ស័យសមត្ថកិច្ចធ្វើការស្រាវជ្រាវដើម្បីចាប់ខ្លួនមកផ្តន្ទាទោសទៅតាមផ្លូវច្បាប់៕