ភ្នំពេញ៖ បុរសម្នាក់សង្ស័យស្រវឹង បានបេីករថយន្តក្នុងល្បឿនលឿនមិនប្រយ័ត្ន ជ្រុលបុករង្វង់មូលនាងកេណរ ដែលទេីបនឹងសាងសង់ បណ្តាលអោយហោះទៅម្ខាងទៀត បែកកង់ទៅមុខលែងរួច។
ហេតុការណ៍នេះបានកេីតឡេីងកាលពីវេលាម៉ោង ១០ នឹង ៣០នាទីយប់ ថ្ងៃទី ៣១ ខែ មករា ឆ្នាំ ២០១៩ នៅចំណុចរង្វង់មូលនាងកេណរ តាមបណ្តោយផ្លូវអាស៊ាន ស្ថិតក្នុងភូមិដេីមគ សង្កាត់ជ្រោយចង្វា ខណ្ឌជ្រោយចង្វារ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តម៉ាកកូរ៉ូលា មួយគ្រឿង ពណ៌ខៀវ ពាក់ស្លាកលេខ ភ្នំពេញ 2D-2209 បេីកបរដោយបុរសម្នាក់ តាមបណ្តោយផ្លូវអាស៊ាន ក្នុងទិសដៅពីជេីងទៅត្បូងក្នុងល្បឿនយ៉ាងលឿន ខណៈមកដល់ចំណុចកេីតហេតុ ស្រាប់តែបេីកបុកឡេីងខឿនរង្វង់មូលនាងកេណរ បណ្តាលអោយហោះទៅម្ខាងទៀត បែកកង់មុខទាំងសងខាង ទៅមុខលែងរួច ភ្លាមនោះម្ចាស់រថយន្តបានចុះពីរថយន្តគេចខ្លួនបាត់។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ចំណុចកេីតហេតុ ធ្វេីការវាស់វែងយករថយន្តទៅរក្សាទុកនៅ អធិការនគរបាល ខណ្ឌជ្រោយចង្វារ រងចាំដោះស្រាយពេលក្រោយ៕
បេីករថយន្តលឿនពេក ជ្រុលទៅបុករង្វង់មូលនាងកេណរ បែកកង់ទៅមុខលែងរួច
Reviewed by សារព័ត៌មាន ឯករាជ្យជាតិ
on
8:01:00 PM
Rating:
No comments: