បើករថយន្តលឿនពេក មិនប្រយ័ត្ន ជ្រុលទៅបុករះរុឺម៉កលក់មីឆា រថយន្តមួយគ្រឿង និងរបងផ្ទះអ្នកភូមិ រងការខូចខាតយ៉ាងដំណំ

ភ្នំពេញ៖ បុរសម្នាក់ជាជនជាតិចិន និងមានប្រុសស្រី ៣នាក់ រួមដំណើរជាមួយ បើករថយន្តលឿនពេក ជ្រុលទៅបុករះ រទេះលក់មីឆាបាយឆា រុឺម៉កម៉ូតូ រថយន្តមួយគ្រឿងនិងរបងផ្ទះអ្នករស់នៅក្បែរនោះទាំងកំរោល រងការខូចខាតយ៉ាងដំណំ។

មានទទួលធ្វើកាតវីស៊ីត មួយប្រអប់ត្រឹមតែ ១៤០០០ រៀល ទំនាក់ទំនងទូរស័ព្ទលេខ 016 85 63 66

ហេតុការណ៌នេះកើតឡើងកាលពីវេលាម៉ោង ២ នឹង ១០នាទីរំលងអធ្រាត្រ ឈានចូលថ្ងៃទី ២៥ ខែ កុម្ភៈ ឆ្នាំ ២០១៩ នៅក្បែរស្ពានអាកាសស្ទឹងមានជ័យ តាមបណ្ដោយផ្លូវ ២៧១ ក្នុងសង្កាត់បឹងសាឡាង ខណ្ឌទួលគោក។

សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

តាមសម្ដីជនរងគ្រោះដែលជាម្ចាស់រទេះលក់មីឆាបាយឆា បានប្រាប់ឲ្យដឹងថា នៅពេលកើតហេតុ រថយន្តបង្កម៉ាក ហាយឡែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AP-8199 មួយគ្រឿង ដែលបើកបរដោយបុរសម្នាក់ជាជនជាតិចិន ព្រមទាំងប្រុសស្រី ៣នាក់ទៀត រួមដំណើរជាមួយ បានបើកបរតាមបណ្ដោយផ្លូវ ២៧១ ទិសដៅពីត្បូងមកជើងក្នុងល្បឿនយ៉ាងលឿន លុះមកដល់កន្លែងកើតហេតុ ដែលជាចំណុចផ្លូវកោង មិនបន្ថយល្បឿននោះទេ ស្រាប់តែជ្រុលចង្កូតទៅបុករទេះលក់មីឆាបាយឆា និងរុឺម៉កម៉ូតូក្រឡាប់ទៅប៉ះនឹងរថយន្តលុចសុីស LX470 ចតនៅចញ្ចើមផ្លូវ និងរបងផ្ទះប្រជាពលរដ្ឋបន្ថែមទៀត បណ្ដាលឲ្យរងការខូចខាតយ៉ាងដំណំ តែសំណាងល្អដែរ ក្នុងអំឡុងពេលកើតហេតុ មនុស្សដែលនៅកន្លែងកើតហេតុ បានឃើញទិដ្ឋភាពមិនស្រួលក៏បានរត់ចេញភ្លាមៗ ដោយមិនបង្កឲ្យអ្នកណាម្នាក់រងរបួសនោះឡើយ ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

ក្រោយកើតហេតុ បុរសជនជាតិចិនដែលបើករថយន្តបង្កហេតុ មិនព្រមចុះដោះស្រាយនោះទេ រហូតសមត្ថកិច្ចមូលដ្ឋាន និងនគរបាលជំនាញចរាចរណ៍ ខណ្ឌទួលគោក ចុះមកដល់ទើបព្រមចុះសម្របសម្រួលជាមួយភាគីរងគ្រោះ ដោយមានតំណាងជួយដោះស្រាយ ព្រមសងថ្លៃខូចខាតទៅលើរទេះលក់មីឆា-បាយឆា និងរុឺម៉កម៉ូតូជាម្ចាស់តែមួយចំនួន ៤ពាន់ដុល្លារ និងរថយន្តលុចសុីស LX470 និងរបងផ្ទះជាម្ចាស់តែមួយចំនួន ៤ពាន់ដុល្លារទៀត ដើម្បីបញ្ចប់រឿងនៅកន្លែងកើតហេតុ ៕