សមត្ថកិច្ចឃាត់ខ្លួនយុវជនម្នាក់ សង្ស័យឆក់ទូរស័ព្ទជនជាតិចិន

ភ្នំពេញ​៖​ យុវជនម្នាក់ត្រូវបាននគរបាលធ្វេីការឃាត់ខ្លួនយកទៅសួរនាំដោយសង្ស័យថាជាមុខសញ្ញាឆក់ទូរស័ព្ទរបស់ជនជាតិចិន។

ការឃាត់ខ្លួនយុវជនខាងលេីបានធ្វេីឡេីងកាលពីវេលា២និង២០នាទីរំលងអាធ្រាត្រឈានចូលថ្ងៃទី៨ខែសីហា​ឆ្នាំ២០១៩​ នៅចំណុចមុខវត្តថាន់​ តាមបណ្តោយផ្លូវសុធារស់ ស្ថិតក្នុងសង្កាត់ទន្លេបាសាក់ខណ្ឌចំការមន។

ជនសង្ស័យឈ្មោះកង ឌីន​ណា​ ភេទប្រុសអាយុ២៣​ឆ្នាំមុខរបរជាងម៉ាស៊ីនត្រជាក់​ ស្នាក់នៅបន្ទប់ជួលមុខផ្សារអីអន​ ។ តាមសមត្ថកិច្ចបានឲ្យដឹងថាមុនពេលកេីតហេតុកម្លាំងល្បាតបានល្បាតក្នុងមូលដ្ឋានស្រាប់តែមានប្រជាពលរដ្ឋបានរាយការណ៍ប្រាប់ថា​ មានជនសង្ស័យម្នាក់ជិះម៉ូតូFino​ពណ៍ខ្មៅលាយស​ គ្នានស្លាកលេខបានធ្វេីសកម្មភាពឆក់ទូរស័ព្ទជនជាតិចិនបានសម្រេច។ ភ្លាមនោះកម្លាំងបានធ្វេីការប្រដេញឃាត់ខ្លួនបាននិងធ្វេីការឆែកឆេលេីដងខ្លួនឃេីញទូរស័ព្ទiPhone មួយគ្រឿងទេីបឃាត់យកទៅសួរនាំតែម្តង។

ក្រោយឃាត់ខ្លួនជនសង្ស័យបានឆ្លេីយថាខ្លួនមិនបានធ្វេីសកម្មភាពឆក់ទូរស័ព្ទនោះទេចំណែកទូរស័ព្ទនោះគឺមានជនជាតិចិនម្នាក់យកមកបញ្ចាំចំនួន២០$​ ។ ទោះជាយ៉ាងណានគរបាលធ្វេីការឃាត់ខ្លួនយុវជនខាងលេីបណ្តោះអាសន្នសិន៕