ងោកមួយភាំងបើករថយន្ត រេចង្កូតទៅបុកបង្គោលភ្លើង ធ្លាក់ចូលប្រឡាយទឹកស្អុយទាំងព្រឹក

ភ្នំពេញ៖ បុរសម្នាក់បើករថយន្តសាំយ៉ុងដឹកឥវ៉ាន់រោងចក្រមួយគ្រឿង ងងុយដេក ងោកមួយភាំង រេចង្កូតទៅបុកបង្គោលភ្លើងបំភ្លឺផ្លូវ បាក់រលំធ្លាក់ចូលទាំងរថយន្ត ទៅក្នុងប្រឡាយទឹកស្អុយ កាលពីវេលាម៉ោង ៦ នឹង ៣០នាទីព្រឹក ថ្ងៃទី ១៣ ខែ តុលា ឆ្នាំ ២០១៩ នៅតាមផ្លូវជាតិលេខ ៤ ភូមិអង្គកែវ សង្កាត់ចោមចៅ៣ ខណ្ឌពោធិសែនជ័យ។
សេចក្តីណែនាំ៖ ពេលលោកអ្នក Download App ព័ត៌មានឯករាជ្យជាតិ រួច ត្រូវចុចលើ Setting បន្ទាប់មករកមើលពាក្យថា Unnown រួចគ្រីសទៅលើវា លោកអ្នកនឹងឃើញពាក្យថា Installing ហើយចុចនៅលើពាក្យនោះ លោកអ្នកនឹងឃើញសញ្ញា Logo សារព័ត៌មាន ឯករាជ្យជាតិ

loading...

រមណីយដ្ឋាន ភ្នំគូលែន

តាមប្រភពពីប្រជាពលរដ្ឋឃើញហេតុការណ៍បានឲ្យដឹងថា មុនកើតហេតុ រថយន្តបង្កម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2A-9838 ដឹកឥវ៉ាន់រោងចក្រ បើកបរដោយបុរសម្នាក់ រួមដំណើរស្ត្រី២នាក់ ដឹកឥវ៉ាន់រោងចក្រ បើកល្បឿនលឿនលើផ្លូវជាតិលេខ៤ ពីលិចទៅកើត ដល់ចំណុចកើតហេតុ ស្រាប់តែរេចង្កូតជ្រុលទៅបុកបង្គោលភ្លើងបំភ្លឺផ្លូវ បាក់ធ្លាក់ ទាំងរថយន្តចូលទៅក្នុងប្រឡាយទឹកស្អុយ តែមិនបង្កឲ្យមានអ្នករងរបួសឡើយ ។

សូមចុចអានព័ត៌មានថ្មីៗជាច្រើនទៀតនៅខាងក្រោម
ក្រោយកើតហេតុ ម្ចាស់នាំគ្នាជញ្ជូនលើកឥវ៉ាន់ ហើយនគរបាលមូលដ្ឋានចុះទៅពិនិត្យផ្ទាល់ដល់ទីតាំងកើតហេតុ រថយន្តបង្កឲ្យប៉ះទ្រព្យសម្បត្តិរដ្ឋ បង្គោលភ្លើងបំភ្លឺផ្លូវមួយដើមបាក់រលំធ្លាក់កប់ក្នុងទឹកប្រឡាយ ទើបប្រគល់រថយន្តឲ្យទៅការិយាល័យ ចរាចរណ៍ជើងគោក ស្នងការរាជធានីភ្នំពេញ ស្ទូចលើកយកទៅរក្សាទុក រងចាំដោះស្រាយជាក្រោយ ៕