ភ្នំពេញ៖ ស្ត្រីភេទទីបីម្នាក់ ត្រូវបាន សង្សារជាស្ត្រីកំណាន់ របស់ខ្លួន បានសំលាប់ ប្លន់យក ទ្រព្យសម្បត្តិ តែ អកុសល ស្ត្រីជាជនដៃដល់ ក៏ត្រូវសមត្ថកិច្ចឃាត់ខ្លួន បានភ្លាមផងដែរ។
ហេតុការណ៍នេះបានបង្កអោយមានការភ្ញាក់ផ្អើលកាលពីវេលាម៉ោង ៣ រសៀល ថ្ងៃទី ១២ ខែ មករា ឆ្នាំ ២០២០ នៅក្នុង VILLA TOWN ផ្លូវលេខ V16A ផ្ទះលេខ L45A ក្នុងភូមិទួលរកាក្រុម ១០ សង្កាត់ចាក់អង្រែក្រោម ខណ្ឌមានជ័យ។
loading...
សពស្ត្រីរងគ្រោះមានឈ្មោះ សុខ លី ភេទស្រី អាយុ ៤៨ ឆ្នាំ មុខរបរ ចងការប្រាក់ និងរាប់លុយ ស្នាក់នៅ សង្កាត់ផ្សារដេប៉ូ ១ខណ្ឌទួលគោក ។
ដោយឡែក ស្ត្រី ជាឃាតក សមត្ថកិច្ច មិនទាន់អោយ ស្គាល់អត្តសញ្ញាណ នៅឡើយទេ ។
តាមប្រភពព័ត៌មាន ពីសាច់ញាតិជនរងគ្រោះ បានអោយដឹងថា ជនរងគ្រោះ ជាមនុស្ស ភេទទីបី ស្រីស្រលាញ់ស្រី និងមាន មុខរបរ ជាអ្នក ចងការប្រាក់ ហេីយជនរងគ្រោះ ធ្លាប់មាន ទំនាក់ទំនងគ្នា ជាមួយនឹង ស្ត្រីជនសង្ស័យ ជាយូរមកហើយ ដោយមានការ លួចលាក់ ពីគ្រួសារ ។
ប្រភពបានឱ្យដឹងទៀតថា ជនរងគ្រោះ មិនដែលធ្លាប់បាត់ចេញពីផ្ទះមួយយប់ទល់ភ្លឺម្តងណានោះទេ ហើយនៅ ថ្ងៃទី ១១ ខែ មករា ឆ្នាំ២០២០ ជនរងគ្រោះ បានបាត់ ដំណឹង តេទូរសព្ទ ចូល ក៍មិនលេីកទទួល ទេីបធ្វើអោយ ពួកគាត់ជាសាច់ញាតិឆ្ងល់ ហើយ បារម្ភ លុះដល់ថ្ងៃកេីតហេតុ នៅវេលាម៉ោង ១ រសៀល ថ្ងៃទី ១២ ខែមករា ឆ្នាំ ២០២០ ក៏ស្រាប់តែក្រុមគ្រួសារ សាច់ញាតិ បានលេចព្ញដំណឹង តាមទូរស័ព្ទ តគ្នា ថាជនរងគ្រោះ បានស្លាប់នៅ ផ្ទះកេីតហេតុខាងលើ ដោយមិនដឹងមូលហេតុ ហេីយគ្រាន់តែព្ញដំណឹងបែបនេះ ពួកគាត់ជាសាច់ញាតិ នាំគ្នា ទៅដល់ផ្ទះខាងលើ ក៏ត្រូវស្ត្រីជា ឃាតក បេីកធ្វើអោយចូល ហេីយនិយាយ ប្រាប់ថា ជនរងគ្រោះ បានស្លាប់ដោយ សារហូបបាយហើយ ស្លាប់ ហើយពួកគាត់បានចូលមេីល ក៏ឃេីញស្ត្រីរងគ្រោះ ជាសាច់ញាតិ របស់ពួកគាត់ បានដេកស្លាប់ដោយមាន ស្នាមនៅ-ក និងមាន ស្នាមចងដៃ ចងជេីង ព្រមទាំង បាត់ជញ្ជៀនពេជ្រ ២ វង់ តំលៃជាង២ម៉ឺនដុល្លារ ខ្សែ-ក និងលុយមួយចំនួន ចំណែកម៉ូតូឌ្រីមសង់ ០១៩ និងទូរស័ព្ទ ពីរគ្រឿងមិនបាត់ទេ ហើយភ្លាមៗនោះដែរ ពួកគាត់ ជាសាច់ញាតិ មិនអស់ចិត្ត ក៏សុំអោយ សមត្ថកិច្ច មូលដ្ឋាន ចុះទៅកន្លែងកើតហេតុ ក៏ដូចជាជំនាញកោសល្យវិច្ជ័យក្រុងភ្នំពេញ ព្រមទាំង គ្រូពេទ្យជំនាញ បានចុះទៅពិនិត្យ រកឃើញ ស្លាកស្នាម ជាង ១០កន្លែង នៅលេីខ្លួនសព ហើយក៏បាន បញ្ជាក់ថាសពជនងគ្រោះ គឺស្លាប់ដោយ សារផ្ទប់ដង្ហើម (ឃាតកម្ម) ទេីបសមត្ថកិច្ចឃាត់ខ្លួន ស្ត្រីជនដៃដល់យកទៅ សាកសួរនៅប៉ុស្តិ៍នគរបាល ចាក់អង្រែក្រោមតែម្ដង ចំណែក ខាងស្ត្រីជនដៃដល់ ក៏សារភាពប្រាប់ សមត្ថកិច្ចថា រូបគេ ពិតជាបានសំលាប់ ជនរងគ្រោះ តែម្នាក់ឯងគត់ ។ ចំណែក សពជនរងគ្រោះ ត្រូវបានសមត្ថកិច្ច ប្រគល់អោយ សាច់ញាតិយកទៅ ធ្វើបុណ្យនៅវត្ត ថ្វាយបង្គុំ ខណ្ឌ៧មករា។
ក្នុងករណីនេះដែរ សមត្ថកិច្ច កំពុងតែ បន្តការ សាកសួរបន្ថែមទៀត ដើម្បីស្វែងរកអ្នកណាខ្លះ ជាប់ពាក់ព័ន្ធនឹងករណីសម្លាប់ស្ត្រីជាអ្នករាប់លុយនេះ និងយកមកផ្ដន្ទាទោសតាមផ្លូវច្បាប់។
Reviewed by សារព័ត៌មាន ឯករាជ្យជាតិ
on
7:31:00 PM
Rating:
No comments: