ក្មេងប្រុសម្នាក់ បានសុំឪពុកម្ដាយ ទៅលេងសង្រ្កាន្ត​ចូលឆ្នាំ នៅសាលារៀន បាត់កូនយូរពេក ម្ដាយតាមរក ឃើញតែកង់ និងស្បែកជើង នៅមាត់ស្រះ!

ផ្សាយថ្ងៃទី ០៦ មេសា ២០២៣

(កាសែតឯករាជ្យជាតិ ផ្សាយតាមបណ្តាញសង្គម)
ភ្នំពេញ៖ ក្មេងប្រុសម្នាក់ បានសុំឪពុកម្ដាយ ទៅលេងសង្រ្កាន្ត​ចូលឆ្នាំ នៅសាលារៀន ហើយក៏ស្រាប់តែបាត់រហូត មិនឃើញត្រឡប់ទៅផ្ទះវិញសោះ។ ដោយបាត់កូនយូរពេក ម្ដាយបានតាមទៅរក ហើយបានប្រទះឃើញកង់ និងស្បែកជើងកូ​នប្រុស នៅមាត់ទឹក​។
យើងខ្ញុំ ចាងហ្វាងការផ្សាយសែតឯករាជ្យជាតិ សូមថ្លែងអំណរគុណយ៉ាងជ្រាលជ្រៅ ដល់អស់លោកអ្នកនាង ដែលបានគាំទ្រ និងចូលចិត្តអានកាសែតឯករាជ្យជាតិ តាមរយៈបណ្តាញសង្គមរបស់យើងខ្ញុំ កាសែតឯករាជ្យជាតិ នឹងខំស្វែងរកព័ត៌មាន ចំណេះដឹងថ្មីៗ ជូនអស់លោកនាងដោយមិនគិតថ្លៃ បើអស់លោកអ្នកនាង ចង់ជួយឧបត្ថម្ភការផ្សាយរបស់យើងខ្ញុំ សូមផ្ញើតាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
ខណៈនោះ គាត់​បានពឹងឲ្យអ្នកភូមិ បានជួយរាវរកតែមិនឃើញ រហូតក្រុមអ្នកមុជទឹកអង្គភាពកងពលតូចទ័ពពិសេសឆត្រយោង ៩១១ ចេញជួយអន្តរាគមន៍ ដោយ​ប្រើខ្សែចងយុថ្កាអូស ទើបទាក់ជាប់កូនប្រុស ដែលលង់ទឹក ស្លា.ប់បាត់ទៅហើយ ដោយគេ​សង្ស័យថា ក្មេងប្រុសរងគ្រោះ បាន​ចុះងូតលេង ឬរអិលជើងធ្លាក់​ចូលស្រះទឹក បណ្ដាលឲ្យលង់ស្លា.ប់បែបនេះ។ ​

ហេតុការណ៍នោះ បានបង្កឲ្យមានការភ្ញាក់ផ្អើល កាលពីវេលាម៉ោង ៤ល្ងាច​ថ្ងៃទី៥ ខែមេសា ឆ្នាំ២០២៣ នៅក្នុងវត្តស្ងួនពេជ្រ ក្នុង​ភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ។

របៀបដែលធូលីព្រះច័ន្ទនឹងដាក់រង្វង់នៅជុំវិញភពព្រះអង្គារ.....

ក្មេងប្រុសរងគ្រោះ ឈ្មោះ វាសនា រ៉ាយុទ្ធ អាយុ ៩ឆ្នាំ មាន​ឪពុក​ឈ្មោះ ថន វាសនា អាយុ ៣០ឆ្នាំ មុខរបរ រត់ម៉ូតូកង់បី មានម្តាយ ឈ្មោះ ស៊ូ ស្រស់ អាយុ ៣៥ឆ្នាំ មុខរបរកម្មការិនីរោងចក្រ មានបងប្អូនប្រុស ២នាក់ ក្មេងរងគ្រោះជាកូនច្បង មានទីលំនៅក្នុងបុរីពិភពថ្មីកំបូល៣ ភូមិថ្មដា សង្កាត់កន្ទោក ខណ្ឌកំបូល​។

ម្ដាយរបស់ក្មេងប្រុសរងគ្រោះ បាន​ប្រាប់​ថា នៅព្រឹកថ្ងៃកើតហេតុ កូនប្រុសគាត់ បានសុំទៅលេងសង្រ្កាន្ត​ចូលឆ្នាំ នៅសាលារៀន ក្នុងវត្តស្ងួនពេជ្រ ហើយគាត់ក៏បានអនុញ្ញាតឲ្យទៅ។ បន្ទាប់មក ក៏ស្រាប់តែបាត់កូន រហូតដល់វេលាម៉ោងជាង ១១ព្រឹកទៅហើយ មិនឃើញត្រឡប់ទៅផ្ទះវិញ។​ ពេលនោះ គាត់ និងក្រុមគ្រួសារមានការព្រួយបារម្ភពីសុវត្ថិភាពកូនខ្លាំងណាស់ ក៏បាន​ទៅ​តាមរក។លុះពេលទៅដល់ទីតាំងសង្រ្កាន្ត ពុំបានឃើញកូនប្រុសសោះ។​ គាត់ក៏បន្តតាមរក រហូតដល់វេលាម៉ោងប្រមាណ ២រសៀលថ្ងៃ​ដដែល ក៏បានប្រទះឃើញកង់ និងស្បែកជើងកូនប្រុស នៅមាត់ស្រះទឹកដ៏ជ្រៅខាងលើនោះ។ ខណៈនោះ ពួកគាត់ប្រាកដក្នុងចិត្តថា កូនប្រុសរបស់គាត់ បានលង់ទឹក ក៏បានសុំឲ្យសមត្ថកិច្ចនិងអ្នកភូមិ ជួយរាវរកកូនប្រុសគាត់។

ប្រភពពីកន្លែងកើតហេតុ បានឲ្យដឹងថា ភ្លាមៗនោះ អ្នកភូមិខ្លះ បាននាំគ្នាចុះរាវ និងខ្លះបង់សំណាញ់​។ ប៉ុន្តែទឹកជ្រៅពេក មិនអាចរកឃើញ​ឡើយ លុះក្រោយមក ក្រុមអ្នកមុជទឹក​អង្គភាពកងពលតូចទ័ពពិសេសឆត្រយោង៩១១ បានចេញជួយអន្តរាគមន៍ ដោយប្រើយុថ្កា​អូសចុះឡើងៗ ទើបរកឃើញសាកស.ពក្មេងប្រុសរូបនោះ។
សូមចុចអានព័ត៌មានថ្មីៗជាច្រើនទៀតនៅខាងក្រោម
ស្រះទឹកក្នុងវត្តនោះ មានជម្រៅ ២ប្រម៉ោយ​អេស្កាវ៉ាទ័រ ​និងមានទឹកពេញ​ប្រៀបថែមទៀតផង។ តែគេពុំដឹង​ថា ក្មេងប្រុសខាងលើ ចុះងូត ឬក៏រអិលជើងធ្លាក់ ចូលទៅក្នុងស្រះ ទើប​លង់ស្លា.​ប់នោះ​ឡើយ។​ ដូច្នេះសូមអាណាព្យាបាល ឪពុកម្តាយ បង្កើន​ការប្រុង​ប្រយ័ត្ន​នឹងកូនចៅ កុំឱ្យទៅលេងទឹក មិនថា ទឹកស្រះ ទឹកស្ទឹង ឬទឹកទន្លេនោះទេ គឺអាចនឹងគ្រោះថ្នាក់​ ដោយនឹកស្មានមិនដល់៕ (កាសែតឯករាជ្យជាតិ ផ្សាយតាមបណ្តាញសង្គម ជូនលោកអ្នកនាងអានដោយមិនគិតថ្លៃ បើសប្បុរសជនចង់ជួយឧបត្ថម្ភ ការផ្សាយរបស់យើងខ្ញុំ តាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119