រថយន្តពីរគ្រឿងប៉ះគ្នាតែមិនបណ្តាលឲ្យរងរបួសមនុស្សទេ

រថយន្តកូរ៉ូឡាមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2A2176 បើកបរ ដោយយុវជនម្នាក់ នៅវេលាម៉ោង ២:១៥នាទី រំលងអាធ្រាត ឈានចូលថ្ងៃទី ២៣ ធ្នូ ២០១៤ តាមបណ្តោយផ្លូវលេខ ១៨២ សង្កាត់ទឹកល្អក់៣ ខណ្ឌទួលគោក ទិសដៅពីលិចទៅកើត មកដល់ចំណុចកើតហេតុ ផ្លូវខ្វែងនឹងផ្លូវលេខ ២៥៣ មានរថយន្តមួយគ្រឿងទៀត ម៉ាកឡងគ្រិស៊័រ ពណ៌ស ពាក់ស្លាកលេខ ភ្នំពេញ 2F7682 បើកបរតាមបណ្តោយផ្លូវលេខ ២៥៣  ក្នុងទិសដៅដៅពីជើងទៅត្បូង បានជ្រុលទៅបុករថយន្តកូរ៉ូឡា បណ្តាលឲ្យខូចខាតមួយចំហៀងមុខខាងស្តាំ ដោយភាគីទាំងពីរចរចាគ្នាមិនត្រូវ ក៏ឲ្យជំនាញចុះវាស់វែង ហើយយករថយន្តទាំងពីរគ្រឿងនោះ ទៅរក្សាទុកនៅអធិការខណ្ធទួលគោក ដើម្បីរងចាំធ្វើការដោះស្រាយ ។