បើករថយន្តបុកម៉ូតូរងរបួសធ្ងន់ម្នាក់

ភ្នំពេញ ៖ បុរសម្នាក់បាន​រងរបួសធ្ងន់​ ​ពេលដែលកំពុងជិះម៉ូតូធ្វើដំណើរតាមផ្លូវ ហើយត្រូវ​​រថយន្ត​មិន​ស្គាល់​ម៉ាក​ មួយគ្រឿងបើកបុកពីក្រោយ កាលពីវេលា​ម៉ោង ៨ និង ២០ នាទី យប់ថ្ងៃទី ៣០ ខែ មិថុនា ឆ្នាំ ២០១៥  ស្ថិតតាមបណ្តោយផ្លូវសហព័ន្ធរុស្សុី នៅក្នុងសង្កាត់ផ្សារដេប៉ូ ៣ ខណ្ឌទួលគោក ហើយរថយន្តបង្កបើក គេចខ្លួនបាត់ស្រមោល  ។
ប្រភពពណ៌មានពីសាក្សីឃើញ ហេតុការណ៏ បានឱ្យដឹងថា មុនពេលកើតហេតុ មាន​រថយន្តមិនស្គាល់​ម៉ាក ពណ៌ខ្មៅ បានបើកបរតាមបណ្តោយ​ផ្លូវ​សហព័ន្ធរុស្សុី ក្នុងទិសដៅពីកើតទៅលិច ខណ:មកដល់ចំណុចកើតហេតុខាងលើ ​រថយន្តនេះ បានបើកជ្រុលទៅបុកពីក្រោយ ​ម៉ូតូមួយគ្រឿងម៉ាក ហ្វិនណូ ពណ៌ ទឹកក្រូច លាយ ស ពាក់ស្លាកលេខ ភ្នំពេញ 1P-8409 ជិះដោយ បុរសម្នាក់ស្របទិសគ្នាបណ្តាលអោយអ្នកជិះម៉ូតូដូលអូសនឹងថ្នល់ជាង ១០ម៉ែត្រ រងរបួសធ្ងន់ ។
បន្ទាប់ពីកើតហេតុរថយន្តបង្កបាន បើកគេចបាត់ស្រមោលតែម្តង ។ ចំណែកឯអ្នករបួសត្រូវ​បានអ្នកស្រុកក្បែរនោះ ហៅរថយន្ត​សាមុយ ដឹក​ទៅ​សង្រ្គោះនៅ​មន្ទីរពេទ្យ ឯកជនភ្លាមៗ ។ ចំណែកម៉ូតូជនរងគ្រោះ ត្រូវសមត្ថកិច្ចមូលដ្ឋាន យកទៅរក្សាទុកនៅប៉ុស្តិ៍ រងចាំបងប្អូនមកទទួល យកត្រឡប់ទៅផ្ទះវិញ៕ ផល្លី