បូ ណា ធ្វើម្នាងសីលា គ្រប់ប្រភេទ
ភ្នំពេញ៖ លោក ឯក សេរីវុធ អធិការរង ទទួលផែនយុត្តិធម៌ ខណ្ឌជ្រោយចង្វារ បានប្រាប់អោយដឹងកាលពី ថ្ងៃទី ២ ខែ ឧសភា ឆ្នាំ ២០១៦ នេះថា កម្លាំងនៃអធិ ការដ្ឋាននគរបាល ខណ្ឌជ្រោយចង្វារ សហការ និងនគរបាលមូលដ្ឋាន ប៉ុស្ដិ៍ព្រែកលៀប ឈានដល់ការឃាត់ខ្លួន ជនត្រូវជាប់សង្ស័យចំនួន ២នាក់ ដោយដកហូតបានថ្នាំញៀនចំនួន ១កញ្ចប់ និងម៉ូតូសង់ឌ្រីម ១គ្រឿងផងដែរ ។
អធិការរងទទួលផែនយុត្តិធម៌ ខណ្ឌជ្រោយចង្វារ លោក ឯក សេរីវុធ បានបង្ហើបប្រាប់ថា កម្លាំងនៃអធិការដ្ឋាន នគរបាល ខណ្ឌជ្រោយចង្វារ រួមសហការ នឹងកម្លាំងនគរបាលតាមបណ្ដាប៉ុស្ដិ៍ ក្នុងភូមិសាស្ត្ររបស់ខ្លួនស្ទើររៀងរាល់យប់ ជាពិសេសគោល ដៅផ្លូវជាតិលេខ ៦A ខណៈដែលកំពុងល្បាតក៏បានប្រទះ ឃើញ យុវជន ២ នាក់ ជិះបើកម៉ូតូ ១ គ្រឿង ដោយគួរសង្ស័យ ក៏ឃាត់ធ្វើការឆែកឆេរ រកឃើញថ្នាំញៀន ១កញ្ចប់ធំ ដែលអាចច្រក ជាកញ្ចប់តូចៗបានច្រើនកញ្ចប់ សង្ស័យជា ម៉ាទឹកកក ដែលជនទាំងនេះបានលាក់ទុក នូវនឹងខ្លួនបម្រុងយកទៅធ្វើសកម្មភាពប្រើប្រាស់ និងជួញដូរដោយខុសច្បាប់នូវ សារធាតុញៀន។ ជាមួយគ្នានោះ កម្លាំងសមត្ថកិច្ចបានដកហូតម៉ូតូ១ គ្រឿង ម៉ាកសង់ឌ្រីម C១២៥ ពណ៌ ខ្មៅ ពាក់ស្លាកលេខ កំពង់ចាម ១C-១៨២៥ ដែលជនសង្ស័យជិះធ្វើសកម្មភាព ។
លោក ឯក សេរីវុធ អធិការរងទទួលផែន យុត្តិធម៌ខណ្ឌ ជ្រោយចង្វារ បន្តទៀតថា ជនត្រូវឃាត់ខ្លួន៖ ១ ឈ្មោះ ពុក ប៊ុនទើម ភេទ ប្រុស អាយុ ២៣ ឆ្នាំ មានមុខរបរ មិនពិតប្រាកដ ២ ឈ្មោះ ហៃ ហ៊ុយ ភេទ ប្រុស អាយុ ២១ ឆ្នាំ មានមុខរបរមិនពិត ប្រាកដ ជនត្រូវជាប់សង្ស័យ ប្រើប្រាស់ និងជួញដូរគ្រឿងញៀនទាំង ២នាក់ ស្នាក់នៅ ភូមិពង្រ ឃុំស្ដើងជ័យ ស្រុកជើងព្រៃ ខេត្តកំពង់ចាម ។
ចាន់ សារ៉ា ម៉ៅការសំណង់គ្រប់ប្រភេទ
លោក ឯក សេរីវុធ បានបញ្ជាក់ថា ក្រោយឃាត់ខ្លួនសួរនាំ ជនសង្ស័យទាំង ២នាក់ រួមជាមួយវត្ថុតាង ត្រូវបានបញ្ជូនទៅ ឃុំខ្លួននៅអធិការដ្ឋាននគរបាល ខណ្ឌជ្រោយចង្វារ ដើម្បីចាត់ការបន្តតាម និតិវិធី របស់អយ្យអយ្យការ សាលាដំបូង រាជធានីភ្នំពេញ ៕ ស៊ីន កុសល
No comments: