ចាន់ សារ៉ា ម៉ៅការសំណង់គ្រប់ប្រភេទ
ភ្នំពេញ៖ យុវជនម្នាក់បានជិះម៉ូតូលឿន ក៏អរហ្សឺរជាមួយរថយន្តដែលកំពុងបត់ខាងឆ្វេងដៃ បានជ្រុលទៅបុក បណ្តាលឲ្យ រងរបួសដៃខាងឆ្វេង កាលពីវេលាម៉ោង ៧ នឹង ១០នាទីព្រឹក ថ្ងៃទី ០៤ ខែ មិថុនា ឆ្នាំ ២០១៦ ដែលស្ថិតនៅចំណុចមុខឃ្លាំង ដាក់ទឹកវិតាល ផ្លូវលេខ ៥៩៨ ភូមិទួលគោក សង្កាត់ទួលសង្កែ ខណ្ឌឫស្សីកែវ ។
ប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុ គេបានឃើញ ម៉ូតូ មួយគ្រឿង ម៉ាក Click ពណ៌ក្រហម លាយខ្មៅ ពាក់ស្លាកលេខ ភ្នំពេញ 1BM-5033 បានបើកបរស្របទិសគ្នា ពីត្បួងទៅជើងជាមួយនិងរថយន្ត មួយគ្រឿងទៀត ម៉ាក Fond ពណ៌ស ពាក់ស្លាកលេខ ភ្នំពេញ 2Y-0857 លុះមកដល់ចំណុចកើតហេតុខាងលើ ស្រាប់តែរថយន្តខាងលើបានបត់ខាងឆ្វេងដៃ ពេលនោះ ម៉ូតូជនរងគ្រោះបានអរហ្សឺរ ជាន់ហ្វ្រាំងមិនទាន់ ក៏ជ្រុលទៅបុក ចូល ក្រោមរថយន្ត ថែមទាំងត្រូវរថយន្តកិនដៃ ខាងឆ្វេងបណ្តាលឲ្យរងរបួសធ្ងន់ ។
ម្ចាស់ម៉ូតូរងគ្រោះឈ្មោះ លី ហេងឡេង ភេទ ប្រុស អាយុ ២៨ឆ្នាំ ស្នាក់នៅផ្ទះលេខ 32AEo ផ្លូវលេខ ១៣៤ សង្កាត់ផ្សារដេប៉ូ២ ខណ្ឌទួលគោក ។ ចំណែកឯម្ចាស់រថយន្ត ឈ្មោះ ទាវ កៅ ភេទ ប្រុស អាយុ ៦៧ឆ្នាំ មានទីលំនៅខេត្តបាត់ដំបង ។
ក្រោយពីកើតហេតុកម្លាំងសមត្ថកិច្ចបាន ចុះមកធ្វើការវាស់វែង និងបានសម្រួលគ្នា ដោយភាគីខាងម្ចាស់រថយន្តសុខចិត្តសងថ្លៃព្យាបាល និងជួសជុលម៉ូតូ ដើម្បីបញ្ចប់រឿង ៕ ស៊ីន កុសល
បូ ណា ធ្វើម្នាងសីលា គ្រប់ប្រភេទ
ជិះម៉ូតូលឿនពេកជាន់ហ្វ្រាំងមិនទាន់បុករថយន្តបត់ឆ្វេងរងរបួសធ្ងន់
Reviewed by សារព័ត៌មាន ឯករាជ្យជាតិ
on
6:30:00 PM
Rating:
No comments: