ស្រវឹងស្រាបើករថយន្តបុកម៉ូតូ រងរបួសធ្ងន់ម្នាក់ និងស្រាលពីរនាក់

ភ្នំពេញ៖ បុរសវ័យចំណាស់ម្នាក់ ស្រវឹងស្រា ជោកជាំ បើករថយន្តមិនប្រយ័ត្ន ជ្រុលចង្កូច ទៅបុកម៉ូតូពេញទំហឹង បណ្តាលឲ្យដួលបោក នឹងថ្នល់រងរបួសធ្ងន់ស្រាល ៣ នាក់។
ហេតុការណ៍នេះកើតទ្បើងកាលពីវេលាម៉ោង ៩ នឹង ៣០នាទីយប់ ថ្ងៃទី ១០ ខែ មីនា ឆ្នាំ ២០១៧ ស្ថិតនៅចំណុចជាប់នឹងស្តុប ត្រទ្បោកបែក សង្កាត់ភ្នំពេញថ្មី ខណ្ឌ​ សែនសុខ។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សូមចុចមើលព័ត៌មានលម្អិត

បូណា ម្នាងសិលា មានទទួលម៉ៅការសំណង់តូចធំ គ្រប់ប្រភទ សេវារហ័សទាន់ចិត្ត មានរចនាម៉ូដម្នាងសិលា គ្រប់ប្រភេទ តម្រូវការតាមអគារតូច-ធំ ទំនាក់ទំនងទូរស័ព្ទលេខ: 017 660 669 / 016 3000 39

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញ បុរសវ័យចំណាស់ម្នាក់ស្រវឹងស្រាជោកជាំ  បើករថយន្តមួយគ្រឿងម៉ាក បាទ្បែន ពណ៌ កណ្តុរប្រមេះ ពាក់ស្លាកលេខ ភ្នំពេញ 2W-3318 តាមបណ្តោយផ្លូវ ៣១៥ ទិសដៅ ពីកើតទៅលិច លុះមកដល់ចំណុចកើតហេតុ ខាងលើបានបត់ស្តាំ មកផ្លូវ ៥៩៨ ក៏ជ្រុលចង្កូតទៅបុកម៉ូតូមួយគ្រឿង ម៉ាក ឆាលី ពណ៌ស ពាក់ស្លាកលេខ ភ្នំពេញ 1AH-5326 ជិះដោយប្រុសស្រីបីនាក់ តាមបណ្តោយផ្លូវ ៥៩៨ ទិដៅពីជើងទៅត្បូង ចំពីមុខចំហៀងខាងស្តាំ បណ្តាលឲ្យខាង ម្ចាស់ម៉ូតូដួលបោកនឹងថ្នល់រងរបួសបុរសម្នាក់បាក់ ក ជើងខាងឆ្វេងធ្ងន់ ចំណែកប្រុស-ស្រីពីរនាក់ទៀត រងរបួសស្រាល ភ្លាមៗនោះ សាច់ញាត្តិបានលើកជនរងគ្រោះដាក់លើរុឺម៉កម៉ូតូ យកទៅសង្គ្រោះនៅមន្ទីពេទ្យ ដោយខ្លួនឯង ចំណែករថយន្ត និងម៉ូតូរងការ ខូចខាតបន្តិចបន្តួចដូចគ្នា។

ក្រោយកើតហេតុ សមត្ថកិច្ចមូលរដ្ឋាន បានចុះមកដល់ បានទំនាក់ទំនងទៅ សមត្ថកិច្ចជំនាញ ចុះមកវាស់វែងយក រថយន្តនិងម៉ូតូទៅរក្សាទុកនៅការិយាល័យ ចរាចរណ៍ផ្លូវគោករាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕ ស៊ីន កុសល