ស្រវឹងស្រាបើករថយន្តបុករះដើមឈើកន្លែងលក់ផ្កាក្រឡាប់ផ្ងាជើងច្រងាង

ភ្នំពេញ៖ នារីស្រស់ម្នាក់ស្រវឹងស្រា បើករថយន្តព្រូសបោះពួយយ៉ាងលឿន បានជ្រុលទៅបុករះដើមឈើកន្លែងលក់ផ្កាមួយកន្លែង បណ្ដាលឲ្យបាក់ដើមឈើជាច្រើនដើមរថយន្តក្រឡាប់ជើងទ្រមេឃ សំណាងអ្នកបើករបួសស្រាល។

ក្នុងហេតុការណ៍នេះកើតឡើងនៅវេលាម៉ោង ២ នឹង ៣០នាទីទៀបភ្លឹ ថ្ងៃទី ២១ ខែ កក្ដដា ឆ្នាំ ២០១៧ ស្ថិតនៅតាមបណ្ដោយផ្លូវ ៥៩៨ នៅចំណុចមុខផ្ទះឯឧត្ដម ជា សុផារ៉ា ក្នុងសង្កាត់ទួលសង្កែ ខណ្ឌឫស្សីកែវ។

ម៉ូតូកង់បី លក់ ទំនាក់ទំនងទូរស័ព្ទលេខ 016 856 366
ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android
ម៉ូតូកង់បី លក់ ទំនាក់ទំនងទូរស័ព្ទលេខ 016 856 366 

យោងតាមព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញនារីស្រស់ម្នាក់ បើករថយន្តព្រូស ពណ៌ស ពាក់ស្លាកលេខ ភ្នំពេញ 2AL-8625 ពីកើតទៅលិច ក្នុងស្ថានភាពស្រវឹងស្រា បោះពួយយ៉ាងលឿន ខណៈមកដល់ចំណុចកើតហេតុ ខាងលើ បានរេចង្កូតទៅបុករះដើមឈើកន្លែងលក់ផ្កា បាក់ជាច្រើនដើម រថយន្តក្រឡាប់ផ្ងាជើងឡើងលើច្រង៉ាង សំណាងអ្នកបើកបររងរបួសស្រាល ភ្លាមៗនោះនារីអ្នកបើកបរ បានបើកទ្វារលូនចេញពីរថយន្តមកក្រៅ ស្រែកយំព្រោះបាត់ទូរស័ព្ទ លុះបន្តិចក្រោយមក មានមិត្តភក្តិមកដឹកនារីស្រស់រូបនោះទៅបាត់។

ក្រោយកើតហេតុសមត្ថកិច្ចមូលដ្ឋានសហការណ៍ជាមួយជំនាញ ចុះវាស់វែងយករថយន្តបង្កទៅការិយាល័យចរាចរណ៍ជើងគោក នៃស្នងការរាជធានីភ្នំពេញ រងចាំដោះស្រាយតាមផ្លូវច្បាប់។ ស៊ីន កុសល