ជិះម៉ូតូបិទស្កុតពណ៌ខ្មៅលើស្លាកលេខ ពេលឃើញសមត្ថកិច្ចផ្តួលម៉ូតូចោលរត់ ចាប់បានម្នាក់ រត់រួចម្នាក់

ភ្នំពេញ៖ យុវជនម្នាក់ក្នុងចំណោមពីរនាក់ជិះម៉ូតូមួយគ្រឿង ស្លាកលេខបិទស្គុតពណ៌ខ្មៅ បានជួបនឹងកម្លាំងសមត្ថកិច្ចប៉ុស្តីបឹងសាឡាង កំពុងតែល្បាត បានផ្ដួលម៉ូតូចោលរត់គេចខ្លួន ត្រូវបានកម្លាំងសមត្ថកិច្ចឃើញដេញចាប់បានម្នាក់រត់រួចម្នាក់។

ហេតុការណ៍នេះកើតឡើងកាលពីវេលាម៉ោង ៧ នឹង ១០នាទីយប់ ថ្ងៃទី ២៧ ខែ កញ្ញា ឆ្នាំ ២០១៧ ស្ថិតនៅតាមផ្លូវលេខ ២៦១ កែងផ្លូវ ៣៣៦ ក្នុងសង្កាត់បឹងសាឡាង ខណ្ឌទួលគោក។

ទាញយកកម្មវិធី ព័ត៌មាន ឯករាជ្យជាតិ សំរាប់ទូរសព្ទ Android

យុវជនខាងលើមានឈ្មោះ ហេង បញ្ញា ភេទប្រុស អាយុ ២២ឆ្នាំ​ មុខរបរមិនពិប្រាកដ ស្នាក់នៅមិនពិតប្រាកដ មានស្រុកកំណើត នៅស្រុកព្រះស្តេច ខេត្តព្រៃវែង។

យោងតាមប្រភពព័ត៌មានពីកន្លែងកើតបានឲ្យដឹងថា មុនកើតហេតុ គេឃើញយុវជនពីរនាក់ ជិះម៉ូតូមួយគ្រឿង ម៉ាកឌ្រីមសង់ ស៊េរី ០៧ ពណ៌ខ្មៅ ពាក់ស្លាកលេខ សៀមមរាប 1E-9548 តាមផ្លូវ ២៦១ ទិសដៅពីត្បូងទៅជើង លុះមកដល់ផ្លូវ ៣៣៦ កន្លែងកើតហេតុខាងលើ បានឃើញកម្លាំងសមត្ថកិច្ចកំពុងតែល្បាត ក៏ផ្តួលម៉ូតូហើយរត់គេចខ្លួន តែត្រូវបានសមត្ថកិច្ច ឃើញមានការសង្ស័យ ដេញចាប់បានយុវជនម្នាក់ ដែលជាអ្នកអង្គុយនៅពីក្រោយ និងម៉ូតូមួយគ្រឿង ចំណែកអ្នកបើកជាម្ចាស់ម៉ូតូវិញ បានរត់គេចខ្លួនបាត់ស្រមោល។

បច្ចុប្បន្ន យុវជនខាងលើត្រូវបានកម្លាំងសមត្ថកិច្ចបញ្ជូនខ្លួនមកប៉ុស្តិ៍នរដ្ឋបាលនគរបាល សង្កាត់បឹងសាឡាង ដើម្បីសួរនាំបន្តរ៕ ស៊ីន កុសល