បើករថយន្តបត់ឆ្លងផ្លូវ ងោកមួយភាំង ជ្រុលទៅបុកក្បាលនាគចែកទ្រូងផ្លូវ វៀចមួយកង់

ភ្នំពេញ៖ បុរសម្នាក់បើករថយន្តបត់ឆ្លងផ្លូវ ងោកមួយភាំងជ្រុលចង្កូតទៅបុកក្បាលនាគចែកទ្រូងផ្លូវ វៀចអស់មួយកង់ រថយន្តបង្កបែកកង់ខាងមុខ ខាងឆ្វេងទៅមុខលែងរួច។

ហេតការណ៍នេះកើតឡើងកាលពីវេលាម៉ោង ៤ នឹង ៥០នាទីទៀបភ្លឺ ថ្ងៃទី ៩ ខែ កញ្ញា ឆ្នាំ ២០១៨ ស្ថិតចំណុចស្តុបទេពផន តាមបណ្តោយផ្លូវម៉ៅសេទុង កែងផ្លូវ ១៨២ ក្នុង សង្កាត់ផ្សារដេប៉ូ១ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66
មានលក់បំពុងពន្លត់អគ្គីភ័យ ទុកបានរយៈពេល ៥ ឆ្នាំ

តាមប្រភពព័ត៌មានពីកន្លែងកើតហេយុបានឲ្យដឹងថា មុនកើតហេតុ គេឃើញបុរសម្នាក់ បើករថយន្តមួយគ្រឿង ម៉ាកកូរ៉ូឡា ពណ៌ខ្មៅពាក់ស្លាកលេខ ភ្នំពេញ 2O-9382 តាមបណ្តោយផ្លូវ ១៨២ ទិសដៅពីកើតទៅលិច លុះមកដល់ចំណុចកើតហេតុខាងលើ បានបត់ស្តាំដៃមកផ្លូវម៉ៅសេទុង ក៏ជ្រុលទៅបុកក្បាលនាគចែកទ្រូងផ្លូវ បណ្តាលឲ្យវៀចចេញពីជួរ ចំណែករថយន្តបង្កបែកកង់ខាងមុខខាងឆ្វេងទៅមុខលែងរួច។

ក្រោយកើតហេតុសមត្ថកិច្ចមូលដ្ឋានបានចុះមកដល់ ទំនាក់ទំនងទៅសមត្ថកិច្ចជំនាញ ចុះមកធ្វើកាវាសវែងយករថយន្តបង្កទៅរក្សាទុកនៅ ការិិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕