ជិះម៉ូតូចេញពីផ្ទះសង្សារ ត្រូវជនសង្ស័យ ១ក្រុម វាយប្លន់យកម៉ូតូឌ្រីមសង់ ០១៨ ទៅបាត់

ភ្នំពេញ៖​ យុវជនម្នាក់បានជិះម៉ូតូហុងដា ឌ្រីមសង់ ចេញពីផ្ទះសង្សារ បំណងទៅ បន្ទប់ជួលវិញ ក៏ត្រូវជនសង្ស័យមានគ្នា ៤នាក់ ជិះម៉ូតូ ២គ្រឿង មកវាយប្លន់ យកម៉ូតូគេចខ្លួនបាត់ស្រមោល។

ហេតុការណ៍បង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង ២ នឹង ២០នាទី រំលងអាធ្រាត ឈានចូលថ្ងៃទី ១២ ​ខែ កញ្ញា​ ឆ្នាំ ២០១៨​ នៅចំណុច មុខម៉ាស្ទ័រ​ ស៊ុបគីស៊ុប​ តាមបណ្តោយ ផ្លូវលេខ ៩៥​ កែងផ្លូវម៉ៅសេទុង​ ស្ថិតក្នុង សង្កាត់បឹកកេងកងទី ៣​ ខណ្ឌចំការមន​​។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

ជនរងគ្រោះឈ្មោះ​  រុន រត្ននី​ ភេទប្រុស អាយុ ២០​ ឆ្នាំ​ មុខរបរ បុគ្គលិក ម៉ាស្ទ័រ ស៊ុបគីស៊ុប​ ស្នាក់ស្ទឹងមានជ័យ​ ជិះម៉ូតូ ម៉ាកហុងដា​ ឌ្រីមសង់ស៊េរីឆ្នាំ ២០១៨​ ពណ៍ខ្មៅ​ ពាក់ស្លាកលេខ ឧត្តមានជ័​យ​ 1D-3069។

ជនរងគ្រោះបានអោយដឹងថា​ មុនពេល កើតហេតុ រូបគាត់បានជិះម៉ូតូចេញពី បន្ទប់ជួលសង្សារ ដែលនៅក្បែរកន្លែង កើតហេតុ ដែលបំណងទៅបន្ទប់ជួល ខ្លួននៅម្តុំស្ទឹងមានជ័យ​មានស្រុក កំណើត ភូមិថ្មី ឃុំត្រពាំងតើក ស្រុកអន្លុងវែង ខេត្ត ឧត្ដមានជ័យ តាមបណ្តោយផ្លូវលេខ ៩៥​ ក្នុងទិសដៅពីជើងទៅត្បូង ខណៈមកដល់ ចំណុចកើតហេតុ ស្រាប់តែមានជន សង្ស័យមានគ្នា ៤នាក់ ជិះម៉ូតូ ២គ្រឿង មិនចាំស្លាកលេខ មកពីក្រោយ ហើយ បានជិះមកស្ទាក់ពីមុខ រួចស្ទុះមកវាយរូប គាត់ ធ្វើអោយគាត់ភ័យរត់ចោលម៉ូតូ ត្រូវជនសង្ស័យឃើញឱកាសល្អ ក៏បាន លើម៉ូតូជនរងគ្រោះជិះគេចខ្លួនដោយសុវត្តិភាព។

ក្រោយពេលកើតហេតុរយៈពេលយ៉ាងយូរ នៅមិនទាន់ឃើញ សមត្ថកិច្ចមូលដ្ឋាន មកកន្លែងកើតហេតុ ទើបអ្នកសាព័ត៌មាន ដឹកជនរងគ្រោះ ទៅប៉ុស្តិ៍នគរបាល រដ្ឋបាល បឹកកេងកងទី ៣ ដើម្បីដាក់ ពាក្យបណ្តឹងអោយសមត្ថកិច្ចជួយស្រាវជ្រាវ ឈានទៅដល់កំណត់មុខសញ្ញា តាមចាប់ក្រុមជនសង្ស័យទាំងនោះ មកផ្ដន្ទាទោសតាមផ្លូវច្បាប់។ ស៊ីន កុសល