រថយន្តលុចស៊ីស ព្រលះរថយន្ត ហាយព្រីត បត់ចូលបូរី រួចបន្តទៅបុកចូល តូបជួសជុលម៉ូតូខូចខាតយ៉ាងដំណំ

ភ្នំពេញ៖ បុរសជនជាតិកូរ៉េម្នាក់ បើករថយន្តមួយគ្រឿង លឿនពេក ចាប់ហ្វ្រាំងមិនទាន់ជ្រុលចង្កូតទៅបុក រថយន្តមួយគ្រឿង បត់ឆ្វេងដៃចូលបូរី សែនសុខពេញទំហឹង រួចរេចង្កូតទៅបុក ចូលតូបជួសជុលម៉ូតូ រងការខូចខាត យ៉ាងដំណំ សំណាងល្អមិនបង្កឲ្យមាន អ្នករងរបួស។

ហេតុការណ៍នេះកើតឡើងកាលពីវេលាម៉ោង ២យប់ រំលងអាធ្រាត្រ ឈានចូល ថ្ងៃទី ១១ ខែ កញ្ញា ឆ្នាំ ២០១៨ ស្ថិតនៅ ចំណុចមុខបូរីសែនសុខ តាមបណ្តោយផ្លូវ ៥៩៨ ក្នុងសង្កាត់ភ្នំពេញថ្មី ខណ្ឌសែនសុខ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរស ជនជាតិកូរ៉េម្នាក់ បើករថយន្តមួយគ្រឿង ម៉ាកលុចសុីស RX300 ពណ៌ស ពាក់ស្លាកលេខ ភ្នំពេញ 2S-0402 ទិសដៅពីត្បូងទៅជើង លុះមកដល់ ចំណុចកើតហេតុខាងលើ ក៏មានរថយន្ត មួយគ្រឿងទៀត ម៉ាកកាមរីហាយព្រីត ពណ៌ ស ពាក់ស្លាកលេខ ភ្នំពេញ 2AE-1680 បើកបរដោយបុរសម្នាក់ រួមដំណើរនិងបុរសម្នាក់ទៀត នៅខាងមុខ ស្របទិសដៅបត់ឆ្វេងដៃ ចូលបូរីសែន សុខ ចាប់ហ្វ្រាំងមិនទាន់ ជ្រុលចង្កូតទៅ បុកចំហៀងទ្វារខាងមុខ ខាងឆ្វេងពេញ ទំហឹងបណ្តាលខូចខាតយ៉ាងដំណំ ចំណែករថយន្តបង្ក បានរេមកខាងឆ្វេងដៃ ជ្រុលទៅបុកតូបជួសជុលម៉ូតូខូចខាត ជញ្ជាំងផ្នែកខាងមុខ រីឯរថយន្តបង្កខូច ខាត ផ្នែកខាងមុខយ៉ាងដំណំ។

ក្រោយកើតហេតុសមត្ថកិច្ចបានចុះមកដល់ ឲ្យភាគីទាំងសងខាងសម្របសម្រួល គ្នា ដោយភាគីម្ចាស់រថយន្តបង្ក បានចេញ សំណងទៅម្ចាស់រថយន្តរងគ្រោះចំនួន ២០០០ ដុល្លារ និងចេញសំណងទៅឲ្យ ម្ចាស់តូបជួលជុលម៉ូតូចំនួន ២៥០ដុល្លារ ដើម្បីបញ្ចប់រឿងនៅនិងកន្លែងកើតហេតុ៕