រថយន្តមិនស្គាល់ម៉ាក បើកបុកបុរសវ័យចំណាស់ម្នាក់ ដើរឆ្លងផ្លូវស្លាប់នៅកន្លែង

ភ្នំពេញ៖ បុរសវ័យចំណាស់ម្នាក់ បានស្លាប់យ៉ាងអាណោចអាធ័ម ខណៈកំពុងដើរឆ្លងផ្លូវពីម្ខាងទៅផ្លូវ ម្ខាងទៀត ត្រូវរថយន្តមិនស្គាល់ម៉ាក បើកបុកពេញទំហឹងរួចបើករត់គេខ្កួនបាត់ស្រមោល។

ហេតុការណ៍នេះកើតឡើងកាលពីវេលាម៉ោង ១២ យប់រំលងអាធ្រាត្រ ឈាន ចូល ថ្ងៃទី ១២ ខែ កញ្ញា ឆ្នាំ ២០១៨ ស្ថិតនៅតាមបណ្តោយផ្លូវជាតិលេខ ៤ ភូមិគល់ សង្កាត់កន្ទោក ខណ្ឌពោធិសែនជ័យ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

ជនរងគ្រោះមានឈ្មោះ អាត់ ផាន ភេទ ប្រុស អាយុ ៦០ឆ្នាំជាង មុខរបរ ជាងរថយន្ត មានស្រុកកំណើត ភូមិបូរីកម្មករ ឃុំបែកចាន ស្រុកអង្គស្នួល ខេត្តកណ្តាល។

តាមប្រភពព័ត៌មានពីកន្លែងហេតុ បានឲ្យដឹងថា មុនកើតហេតុ គេឃើញ ជនរងគ្រោះកំពុងដើរឆ្លងផ្លូវពីម្ខាងទៅ ម្ខាងទៀត ក្នុងទិសដៅពីត្បូងទៅជើង ខណៈដើមកដល់ចំណុចកើតហេតុខាងលើ ក៏មានរថយន្តមួយគ្រឿង មិនចាំម៉ាក បានបើកទិសដៅពីកើតទៅលិច ជ្រុលទៅ បុកពេញទំហឹង បណ្តាលឲ្យជនរងគ្រោះ ដេកស្លាប់នៅកន្លែងយ៉ាងអាណោចអាធ័ម ចំណែករថយន្តបង្កបានបើករត់គេចខ្លួន ចេញពីកន្លែងកើតហេតុបាត់ស្រមោល។

ក្រោយកើតហេតុសមត្ថកិច្ចបានមូលដ្ឋាន បានទំនាក់ទំនងទៅសមត្ថកិច្ចជំនាញ ចុះមកធ្វើកុសល្យវិច្ច័យរួចប្រគល់ជន រងគ្រោះឲ្យទៅដាច់ញាតិយកទៅធ្វើបុណ្យតាមប្រពៃណី៕