រថយន្តកុងតឺន័រ បើកបុកម៉ូតូ កិនបុរស ម្នាក់ បែកក្បាលស្លាប់ យ៉ាងអាណោច អាធ័ម

ភ្នំពេញ៖ បុរសម្នាក់បែកក្បាល និងបត់ខ្លួន ជាពីរស្លាប់នៅនិងកន្លែងយ៉ាងអាណោចអាធ័ម ខណៈកំពុងជិះម៉ូតូមួយគ្រឿង នៅតាមដងផ្លូវ ត្រូវបានរថយន្តកុងតឺន័រ មួយគ្រឿងបើករេចង្កូតមកបុកម៉ូតូ និងកិន ពេញទំហឹង រួចបើករត់គេចខ្លួនបាត់ ស្រមោល។

ហេតុការណ៍ដ៏រន្ធត់នេះ កើតឡើងកាលពី វេលាម៉ោង ៧ នឹង ៤០ នាទីយប់ ថ្ងៃទី ១២ ខែ កញ្ញា ឆ្នាំ ២០១៨ ស្ថិតនៅ ចំណុចបន្ទាយ ង៧០ តាមបណ្តោយ ផ្លូវជាតិលេខ ៣ សង្កាត់ចោមចៅ ៣ ខណ្ឋពោធិសែនជ័យ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

ជនរងគ្រោះមានឈ្មោះ ប្រាក់ បូរី ភេទ ប្រុស កើតឆ្នាំ ១៩៨១ មានស្រុក កំណើតភូមិព្រែកតាអុង ១ ឃុំពាមឧកញ្ញាអុង ស្រុកល្វាឯម ខេត្តកណ្តាល។

តាមប្រភព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញជន រងគ្រោះជិះម៉ូតូមួយគ្រឿង ម៉ាកស្មាក់រ៉េវ៉ូ ពណ៌ខ្មៅ ពាក់ស្លាកលេខ ភ្នំពេញ 1AI-9502 ទិសដៅពីត្បូងទៅជើង លុះមកដល់ចំណុចកើតហេតុខាងលើ ក៏មានរថយន្តកុងតឺន័រមួយគ្រឿង មិនចាំស្លាកលេខ បើកបញ្ច្រាស់ទិស ដៅគ្នា ពីជើងទៅត្បូង បានរេចង្កូតចូល ទៅខាងម៉ូតូបុកពេញទំហឹង បណ្តាលឲ្យ ជនរងគ្រោះបែកក្បាល បត់ខ្លួនជាពីស្លាប់ យ៉ាងអាណោចអាធ័ម នៅកន្លែង ចំណែក រថយន្តមិនបានឈប់ទទួលខុសត្រូវនោះទេ បានព្យាយាមបើករត់គេចខ្លួនបាត់ ស្រមោល។

ក្រោយកើតហេតុសមត្ថកិច្ចមូលដ្ឋានបានចុះមកដល់ ទំនាក់ទំនងទៅសមត្ថកិច្ច ជំនាញ ចុះមកវាស់វែងយកម៉ូតូទៅរក្សា ទុក រងចាំសាច់ញាតិយកឯកសារមក ផ្ទៀងផ្ទាត់ ដើម្បីយកត្រឡប់ទៅវិញ ដោយឡែកសពជនរងគ្រោះ ត្រូវ សមត្ថកិច្ច ប្រគល់ជូនសាច់ញាតិយកទៅ ធ្វើបុណ្យនៅស្រុកកំណើតតាមប្រពៃណី៕