ជិះម៉ូតូលឿនពេក ជ្រុលទៅបុកបង្កាន់ដៃ ស្ពាន រងរបួសធ្ងន់

ភ្នំពេញ៖ បុរសម្នាក់ ជិះម៉ូតូលឿនដូច ហោះ មិនប្រយ័ត្ន ដោយផ្លូវកោងផងនោះ បានជ្រុលទៅបុកបង្កាន់ដៃស្ពានអាកាសស្ទឹងមានជ័យ រងរបួសធ្ងន់។

ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង ១១ នឹង ៣០ នាទីយប់ ថ្ងៃទី ១៦ ខែ កញ្ញា ឆ្នាំ ២០១៨ ស្ថិតតាមបណ្ដោយផ្លូវ ២៧១ ចំណុចលើ ស្ពានអាកាសស្ទឹងមានជ័យ ក្នុងសង្កាត់ ស្ទឹងមានជ័យ ១ខណ្ឌមានជ័យ។

មានទទួលផ្សាយពាណិជ្ជកម្ម ទំនាក់ទំនងទូរស័ព្ទលេខ 016 85 63 66

តាមសាក្សីឃើញហេតុការណ៍អោយដឹងថា មុនពេលកើតហេតុ គេឃើញបុរស ម្នាក់ ជិះម៉ូតូមួយគ្រឿងម៉ាក FZ ពណ៌ក្រហម ពាក់ស្លាកលេខ ភ្នំពេញ 1FA-7087 ពីត្បូងទៅជើង បានឡើង ស្ពានអាកាសស្ទឹងមានជ័យ ក្នុងល្បឿន លឿន ខណៈមកដល់ចំណុចកើតហេតុ ខាងលើ ដោយសារផ្លូវកោងផងនោះ បានជ្រុលទៅបុកបង្កាន់ដៃស្ពានពេញទំហឹង បណ្ដាលឲ្យបោកនឹងបង្កាន់ដៃស្ពាន រងរបួសធ្ងន់ ភ្លាមៗនោះដែរជនរងគ្រោះ ត្រូវរថយន្តគ្លីនិកឯកជនមន្ទីរពេទ្យសួរគ៌ា មកដឹកយកទៅសង្គ្រោះភ្លាមៗ ចំណែក ម៉ូតូជនរងគ្រោះ បានបន្តទៅមុខប្រហែល ៥០ម៉ែត្រ ដួលជាប់នឹងបង្កាន់ដៃស្ពាន ទៅលែងរួច។

ក្រោយកើតហេតុសមត្ថកិច្វចរាចរណ៍ក្រុង ដែលប្រចាំការនៅក្រោមស្ពានបានចុះទៅដល់កន្លែងកើតហេតុ រួចទាក់ទងទៅ សមត្ថកិច្វមូលដ្ឋាន អោយមកយកម៉ូតូ ជនរងគ្រោះទៅរក្សាទុកនៅប៉ុស្តិ៍ស្ទឹងមានជ័យ ១ រងចាំសាច់ញ្ញាតិយកឯកសារ មកនិងប្រគល់ជូនវិញ៕