ស្ទាវពីរនាក់ ជិះម៉ូតូឃើញសមត្ថកិច្ច ដាក់គោដៅត្ត្រួតពិនិត្យអាវុធជាតិផ្ទុះ ត្រឡប់ក្រោយលើកដៃបាយៗដាក់សមត្ថកិច្ច ជ្រុលទៅម៉ូតូមួយគ្រឿងរងរបូស ធ្ងន់ ស្រាលបីនាក់

ភ្នំពេញ៖ ស្ទាវពីរនាក់ជិះម៉ូតូមួយគ្រឿង ឃើញកម្លាំងសមត្ថកិច្ចដាក់គោលដៅ ត្រួតពិនិត្យអាវុធជាតិផ្ទុះ និងជាតិស្រវឹង បានជិះបត់ត្រឡប់ក្រោយ ហើយលើកដៃ បាយៗដាក់សមត្ថកិច្ច ជ្រុលទៅបុកម៉ូតូ មួយគ្រឿង ជិះដោយបុរសម្នាក់ មកពី ក្រោយពេញទំហឹង បណ្តាលឲ្យរងរបួស ធ្ងន់ ចំណែកស្ទាវពីរនាក់រងរបួសស្រាល។

ហេតុការណ៍នេះកើតឡើងកាលពីវេលាម៉ោង ១០ នឹង ៤០នាទីយប់ ថ្ងៃទី ១៨ ខែ កញ្ញា ឆ្នាំ ២០១៨ ស្ថិតនៅចំណុច មុខផ្សារហេងលី តាមបណ្តោយផ្លូវ ២៧១ ក្នុងសង្កាត់ទឹកល្អក់ ៣ ខណ្ឌទួលគោក។

មានទទួលផ្សាយពាណិជ្ជកម្ម Tel: 016 85 63 66

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញស្ទាវពីរ នាក់ ជិះម៉ូតូមួយគ្រឿងម៉ាក zoome-x ពណ៌ស លាយផ្កាឈូក ពាក់ស្លាកលេខ ភ្នំពេញ 1GK-8344 ទិសពីត្បូងទៅជើង លុះមកដល់ចំណុចកើតហេតុខាងលើ ស្រាប់តែមានកម្លាំងសមត្ថកិច្ចដាក់គោលដៅនៅខាងមុខ រួចក៏ជិះត្រឡប់ក្រោយ ហើយបានលើកដៃបាយៗ ដាក់កម្លាំង សមត្ថកិច្ចទៀតផង ខណៈនោះក៏មានម៉ូតូ មួយគ្រឿងទៀត ម៉ាកហុងដាឌ្រីមសង់ ស៊េរី ០៩ ពណ៌ខ្មៅ ពាក់ស្លាកលេខ កណ្តាល 1L-0739 ជិះមកពីក្រោយ ស្របទិដៅគ្នា បុកពេញទំហឹង បណ្តាល ឲ្យម្ចាស់ម៉ូតូឌ្រីមសង់ រងរបួសបែកក្បាល ធ្ងន់ ត្រូវរថយន្តសង្គ្រោះគ្លីនីកហុងហាក់ ដឹងយកទៅសង្គ្រោះ ចំណែកយុវជនស្ទាវ ពីរនាក់ ជិះម៉ូតូបង្ករងរបួសស្រាល។

ក្រោយកើតហេតុសមត្ថកិច្ចមូលដ្ឋាន និងទំនាញ សហការធ្វើការវាស់វែង យកម៉ូតូទាំងពីរគ្រឿង ទៅរក្សារទុកនៅ អធិការដ្ឋាននគបាល ខណ្ឌទួលគោក រងចាំស្រាយគ្នាទៅតាមផ្លូវច្បាប់៕